Ankara turǵyndary taqtaıshadaǵy QR belgisi arqyly aqyn jaıynda maǵlumat ala alady
Qazaqstannyń Túrkıadaǵy Elshiliginiń bastamasymen jáne Halyqaralyq TÚRKSOI uıymynyń qoldaýymen Jambyl Jabaevtyń 175 jyldyǵyna oraı Kechıoren aýdanyndaǵy Jambyl kóshesine estelik taqtaısha ornatyldy, dep habarlaıdy Almaty-akshamy.kz Almaty telearnasynyń saıtyna silteme jasap. Bul týraly halyqaralyq TÚRKSOI uıymynyń ókili Baqytjan Omar feısbýktegi paraqshasynda jazdy.
«Ankarada jyr alyby Jambyl Jabaevtyń esimi ulyqtaldy. Qazaqstannyń Túrkıadaǵy Elshiliginiń bastamasymen jáne halyqaralyq TÚRKSOI uıymynyń qoldaýymen aqynnyń 175 jyldyǵyna oraı Kechıoren aýdanyndaǵy Jambyl kóshesine estelik taqtaısha ornatyldy. Endi ankaralyqtar taqtaıshadaǵy QR belgisi arqyly atamyz jaıynda maǵlumat ala alady», – dep jazady ol.
İs-sharaǵa QR Jazýshylar odaǵynyń tóraǵasy, aqyn Ulyqbek Esdáýlet bastaǵan zıaly qaýym ókilderi, Almaty oblysynyń delegasıasy jáne Almaty qalasy ákimdiginiń ókilderi qatysqan.
Búgin, ıaǵnı 6 qazanda, Ankara qalasynda aqynnyń 175 jyldyǵyna arnalǵan halyqaralyq konferensıa ótedi.