Almaty meıramhanalary men aspazdary WHERETOEAT halyqaralyq gastronomıyalyq syılyǵynyń qysqa tízímíne endí, – dep habarlaıdy aqshamnews.kz tílshísí.
2026 jyly 14 sáuírde Máskeude Michelin men The World’s 50 Best Restaurants syılyqtarymen deńgeıles sanalatyn WHERETOEAT INTERNATIONAL 2026 halyqaralyq meıramhana syılyǵynyń saltanatty marapattau rásímí ótedí.
Syılyq Reseı, Qazaqstan, Belarus, Ázerbaıjan, Armenıya, Gruzıya jáne Ózbekstan elderíníń meıramhanalaryn bír arnaǵa toǵystyrady.
Íríkteu nátıjesínde Qazaqstan atynan bes mekeme qysqa tízímge ense, sonyń tórteuí Almaty shaharynan: AYUL, La Barca Fish&Wine, «Ogonek», Rifugio del Monte.
Kásíbı nomınatsıyalar qatarynda da almatylyq mamandardyń esímí atalady:
Ruslan Zakırov (ABR GROUP) – «Jyldyń úzdík shef-aspazy»;
Alena Arseeva (Lavka by Proshenkov) – «Jyldyń úzdík shef-kondıterí»;
Roman Shcherbakov (Villa dei Fiori) – «Jyldyń úzdík somelesí».
Sondaı-aq, «Jyldyń úzdík bary» atalymynda Gruppo 63 bary da bar.
Jyldyń úzdík meıramhanasy men basqa da jeńímpazdar 14 sáuírde jarıyalanady.
Almaty meıramhanalary men mamandarynyń halyqaralyq deńgeıdegí syılyqqa enuí qalanyń gastronomıyalyq mádenıetíníń órkendep, álemdík kásíbı keńístíkpen tyǵyz baılanys ornatqanyn aıǵaqtaıdy.
Almaty – eldegí eń írí turıstík ortalyqtardyń bírí. Byltyr 9 aıda qalaǵa 1,87 mıllıon adam kelgen, būl aldyńǵy jyldyń osy kezeńímen salystyrǵanda 8 paıyzǵa artyq. Onyń íshínde 563 myńnan astamy – sheteldík qonaqtar.
Gastronomıya – qalanyń turıstík tartymdylyǵyn arttyratyn mańyzdy faktorlardyń bírí. Turıster jūmsaıtyn qarajattyń shamamen 27 paıyzy tamaqtanu men meıramhanalarǵa tıesílí.
Sonymen qatar, Almatyda 140-tan astam mekemení qamtıtyn resmı gastronomıyalyq gıd ázírleníp, qoldanysqa engízílgen. Būl meıramhana ındustrıyasynyń qarqyndy damuy men aspazdyq baǵyttardyń san aluandyǵyn kórsetedí.