Qashyqtan oqu talaptaryn Sarhat Beısenova túsíndíríp berdí, dep habarlaıdy aqshamnews.kz
Búgín Ortalyq kommunıkatsıyalar qyzmetínde brıfıng bergen Bas memlekettík sanıtar dáríger Sarhat Beısenova tūmauǵa baılanysty keıbír mektep qashyqtan oqu formatyna auysatynyn aıtty.
Onyń aıtuynsha, Bas memlekettík sanıtar dáríger bıyl 28 tamyzda balalar qandaı jaǵdaıda qashyqtan oqu formatyna auysatyny jazylǵan. Yaǵnı, bír synypta tūmau jūqtyrǵan balalardyń sany jalpy synyptaǵy oqushynyń 20 paıyzynan asyp ketse, bír kabınette otyryp bílím alu júıesí toqtaıdy. Ekínshíden, tūmauǵa baılanysty synyptaǵy balalardyń 30 paıyzy auyryp jatsa, onda oqu onlaın formatqa auysady.
Sarhat Beısenovanyń sózíne sensek, búgín tańerteńgí jaǵdaıǵa saı, elímízdíń jetí óńíríndegí mektepter onlaın formatqa kóshken. Dálírek aıtqanda, respublıka boıynsha jalpy 132 mekteptegí 1 469 synyp qashyqtan oqytu formatyna auysqan. Atap aıtqanda, Astanadaǵy 24 mektepte 182 synyp onlaın oquǵa kóshtí, Shyǵys Qazaqstan oblysynda – 57 mekteptegí 204 synyp, Abaı oblysynda – 21 mekteptegí 276 synyp, Jambyl oblysynda – 14 mekteptegí 598 synyp, Qostanaı oblysynda – 12 mekteptegí 168 synyp, Aqmola oblysynda – 3 mekteptegí 21 synyp jáne Qaraǵandy oblysynda bír mekteptegí 20 synyp qashyqtan oquǵa auysty.