Prezıdenttíń píkírínshe, sırek kezdesetín metaldardy óndíru jáne óńdeu salasyndaǵy seríktestík perspektıvtí baǵyttyń bírí sanalady
Būl turaly Qazaqstan Prezıdentí Tashkenke jasaǵan memlekettík sapary barysynda aıtty.
Qasym-Jomart Toqaev jańadan qūrylatyn Jūmys tobynan barlyq aspektíní mūqıyat zerdelep, ózara tıímdí yntymaqtastyqty jolǵa qoyuǵa qatysty ūsynys berudí sūrady.
Sonymen qatar Memleket basshysy kólík-tranzıt salasyndaǵy yqpaldastyqty keńeıtudíń strategıyalyq sıpatyna toqtaldy. Atap aıtqanda, tarıfterdí ońtaılandyru, ákímshílík kedergílerdí azaıtu sharalary qabyldanyp, shekara mańy ınfraqūrylymyn damytu jáne ótkízu beketterín jańǵyrtu jūmystary qolǵa alyndy.
Qasym-Jomart Toqaev ekí el úkímetterí logıstıkalyq tízbektíń barlyq qatysushysyna ońtaıly jaǵdaı tuǵyzyp, ınfraqūrylymdyq, normatıvtík jáne ınstıtutsıonaldyq míndetterdí sheshuí qajet dep sanaıdy.
Būdan bólek, Memleket basshysy Transkaspıı halyqaralyq kólík baǵdaryn, Soltústík – Ońtústík dálízín, sondaı-aq Auǵanstan arqyly temírjol baǵytyn damytu ayasyndaǵy tıímdí yqpaldastyqty jalǵastyru ózektí ekenín aıtty.
Qasym-Jomart Toqaev ózbek tarapyn Transkaspıı halyqaralyq kólík baǵytyn bírge órkendetu úshín Aqtau jáne Qūryq porttary boıynsha seríktestík qūryp, logıstıkalyq jobalardy júzege asyruǵa shaqyrdy.
Qazaqstan Prezıdentí su-energetıka salasyndaǵy konstruktıvtí yntymaqtastyq asa mańyzdy ekenín jetkízdí. Óıtkení transshekaralyq ózenderdíń su resursyn ratsıonaldy paıdalanu – ekí eldíń tūraqty progresíne yqpal etetín basty faktorlardyń bírí.
Būl oraıda Qasym-Jomart Toqaev Qazaqstan men Ózbekstan úkímetteríne su sharuashylyǵy sayasatyndaǵy tásílderdí úılestíru úshín júıelí sharalar ázírleudí ūsyndy.