AQSh prezıdentí Donald Tramp Qazaqstan Prezıdentí Qasym-Jomart Toqaevty kelesí jyly Maıamıde ótetín G20 sammıtíne shaqyrdy, - dep habarlaıdy aqshamnews.kz tílshísí.
Aq úı basshysy būl turaly 23 jeltoqsan, seısenbí kúní Truth Social áleumettík jelísíndegí paraqshasynda jazǵan. Tramptyń aıtuynsha, ol Toqaevpen telefon arqyly "óte jaqsy" sóılesken.
Áńgíme barysynda taraptar jalǵasyp jatqan qaqtyǵystarda beıbítshílíktí ornyqtyrudyń mańyzyn, sondaı-aq, elder arasyndaǵy sauda men yntymaqtastyqty keńeıtu máselelerín talqylaǵan. Tramp Qazaqstanmen qarym-qatynas "óte jaqsy qalyptasyp jatqanyn" atap óttí.
Kelesí jyly AQSh G20 sammıtín qabyldaıtynyn eske salǵan ol Qazaqstan basshysyn būl "asa mańyzdy sharaǵa" qonaq retínde qatysuǵa shaqyru joldaıtynyn aıtty.
"Sammıt Maıamıde ótedí", - dep qosty Tramp.