Almatynyń qoǵam qaıratkerlerí dauys berudíń ūıymdastyrylu deńgeıí men azamattardyń belsendílígín joǵary baǵalady, – dep habarlaıdy aqshamnews.kz tílshísí.
Keshe Qazaqstanda eldíń jańa Konstıtutsıyasy boıynsha referendum bolyp óttí. Qala tūrǵyndary joǵary azamattyq belsendílík tanytyp, saılau uchaskesíne kelíp, óz tańdauyn jasap, eldíń jáne balalarynyń bolashaǵyn qoldady.
Máselen, Almaty Azamattyq Alyansynyń tóraǵasy, qalalyq Qoǵamdyq keńestíń múshesí Kaıyrjan Ábdíhalyqov bylaı deıdí:
«Qazaqstan halqy óz bolashaǵy úshín dauys berdí. Būl – búkíl álemge bízdíń ūlttyq múddesí men qaǵıdaty bar qalyptasqan memleket ekenímízdí kórsettí. Jańa Konstıtutsıya shynymen de halyqtyń arman-tílegínen tuǵan dúnıe boldy».
Almaty qalasy Qoǵamdyq keńesíníń múshesí Bogdan Djepka referendumnyń joǵary deńgeıde ótkenín, tūrǵyndardyń kóptep qatysuy azamattyq qoǵamnyń damyǵanyn jáne sayası elıtaǵa qoldau bar ekenín kórsetetínín aıtty.
Almaty qalasyndaǵy «Aq jol» partıyasy bólímshesí tóraǵasynyń orynbasary da dauys beruge qatysqanyna quanyshty ekenín bíldírdí:
«Bíz otbasymyzben kelíp, azamattyq boryshymyzdy oryndadyq. Kún raıy da, dauys bergenderdíń kóńíl kúıí de keremet boldy».
Referendum Almaty tūrǵyndarynyń el ómíríne belsendí qatysatynyn jáne demokratıyalyq úderísterdí qoldaıtynyna dálel bolyp, azamattyq jauapkershílígí óte joǵary ekenín kórsettí.