Memleket basshysy BAÁ Jasandy ıntellekt máselelerí jóníndegí memlekettík mınıstrímen jáne Abu Dabı Densaulyq saqtau departamentíníń tóraǵasymen kezdesu ótkízdí, - dep habarlaıdy Aqshamnews.kz tílshísí.
Digital Bridge 2025 halyqaralyq forumy alańynda Qasym-Jomart Toqaev Bíríkken Arab Ámírlíkteríníń Jasandy ıntellekt, tsıfrlyq ekonomıka jáne qashyqtan jūmys ísteu máselelerí jóníndegí memlekettík mınıstrí Omar Ál-Olamamen jáne Abu Dabı Densaulyq saqtau departamentíníń tóraǵasy, G42 International kompanıyasynyń bas dırektory Mansur Ibragım ál-Mansurımen kezdestí.
Áńgímelesude Qazaqstan men Ámírlíkter arasynda jasandy ıntellekt salasyndaǵy yntymaqtastyqty keńeıtu perspektıvasy qarastyryldy.
Memleket basshysy BAÁ jasandy ıntellekt tehnologıyalaryn qoldanu jáne damytu ísínde álemdík kóshbasshy sanalatynyn aıtty. Sonymen qatar bírlesken kúsh-jígerdíń arqasynda ÍT sektorynda bírqatar mańyzdy jobalar íske asyrylǵanyna toqtalyp, áríptestíktí odan árí nyǵaıtuǵa nıet tanytty.
Qasym-Jomart Toqaev elímízde jasandy ıntellektíge mamandanǵan árí ǵylymı zertteu men ázírlemelerge basymdyq beretín unıversıtet ashu josparymen bólístí. Osy oraıda álemdegí alǵashqy ÍT unıversıtettí qūrǵan BAÁ tájírıbesín zerdeleudíń ózektí ekenín jetkízdí.
Kezdesude Smart City bírlesken jobasyna erekshe mán beríldí. Búgínde būl jūmys bekítílgen josparǵa sáıkes júrgízílíp jatyr.
Prezıdenttíń aıtuynsha, atalǵan joba ekíjaqty seríktestíktí damytudyń mańyzdy kezeńíne jol ashady.