Air Astana áue kompanıyasy 18 qyrkúıekte Londondaǵy áıgílí Langham qonaq úıínde ótken bedeldí World Airline Awards 2026 syılyǵynda ekí basty óńírlík marapatqa ıe boldy, – dep habarlaıdy aqshamnews.kz tílshísí.
Tasymaldaushy qatarynan 15-shí ret «Ortalyq Azıya men TMD úzdík áue kompanıyasy» dep tanyldy, sondaı-aq onynshy ret «Ortalyq Azıya men TMD-daǵy úzdík borttyq qyzmet kórsetkení úshín» marapatyn aldy. Marapatty Skytrax halyqaralyq áue kólígí reıtıngtík agenttígí ūıymdastyrady.
Air Astana qyzmet kórsetu sapasy men deńgeıí boıynsha óńírde kóshbasshylyqty ūstap tūr. World Airline Awards kezektí qos olja Ortalyq Azıya men TMD-daǵy úzdík tasymaldaushy mártebesín rastaıdy, sondaı-aq tūraqty joǵary standarttar men qyzmetkerlerdíń jūmysy úshín jolaushylardyń joǵary baǵasyn kórsetedí.
Toptyń qūramyna kíretín loukoster FlyArystan da tórtínshí jyl qatarynan «Ortalyq Azıya men TMD-nyń úzdík byudjettík áue kompanıyasy» syılyǵyn jeńíp alyp, ózíníń kóshbasshylyq jaıǵasymyn rastady.
Edvard Pleısted, Skytrax bas dırektory:
"Air Astana-nyń World Airline Awards álemdík syılyǵyndaǵy tabysy áue kompanıyasynyń qyzmet kórsetuí men ónímíníń eń joǵary standarttaryn kórsetedí. Jolaushylar ūsynylatyn servıstí joǵary baǵalaıdy jáne osy 2026 jyldyń nátıjelerí Air Astana bortynda joǵary sapany jáne joǵary standarttardyń ózgermeıtíndígín qamtamasyz etuge ūmtylysyn kórsetedí".
Ibrahım Janlyel, Air Astana tobynyń bas atqarushy dırektory:
"Bedeldí Skytrax marapatyn Air Astana úshín de, FlyArystan úshín de alu bíz úshín úlken mártebe. Ol jolaushylarymyzdyń píkírín bíldíríp, óz segmentterínde ekí áue kompanıyasynyń da myqty jaıǵasymyn kórsetetíndígímen qūndy. Men klıentterímízge senímí men adaldyǵy úshín, al búkíl komandaǵa - íske adaldyǵy jáne qauípsízdík pen qyzmettíń joǵary standarttaryna ūmtylysy úshín alǵys aıtamyn. Air Astana toby óz ósuíníń kelesí kezeńíne ayaq basady jáne bíz qyzmetkerlerge, flotqa jáne klıenttík tájírıbege ınvestıtsıya saludy jalǵastyramyz".
1999 jyly Skytrax taǵaıyndaǵan World Airline Awards syılyǵy 100-den astam eldíń jolaushylary qatysatyn halyqaralyq saualnama nátıjeleríne negízdeledí. Saualnama ayasynda 350-den astam áue kompanıyasynyń qyzmetí baǵalanady. Zertteu men marapattau rásímín Skytrax tolyǵymen óz qarajaty esebínen qarjylandyrady.
Air Astana-nyń sońǵy jetístíkteríníń qatarynda APEX nūsqasy boıynsha «Ortalyq Azıyadaǵy úzdík áue kompanıyasy» ataǵy, sondaı-aq Pax International Readership Awards jáne Onboard Hospitality Awards marapattary bar.