Temírtauda ekí qabatty tūrǵyn úıdegí páterdíń bírínde tóbe opyrylyp tústí. Baspanada eshkím bolmaǵan. Tozyǵy jetken úıdegí basqa tūrǵyndar qırandynyń astynda qalamyz ba dep qorqyp otyr, - dep habarlaıdy aqshamnews.kz tílshísí "KTK" telearnasyna sílteme jasap.
"Úıdíń tozyǵy jetken, eskí. Shatyrdan su aǵady, tesík, qar kíredí. Ony jóndeuge tūrǵyndardyń shamasy jetpeıdí. Bárí zeınetker. Ákímdíkke san ret aryz jazdyq. Bíraq esh qozǵalys joq", - dedí Lyubov Nıkolaeva.
1950 jyldary salynǵan úıdíń ábden tozyǵy jetken. Mūnda tūratyndardyń dení jóndeu túgílí, kúnín áreń kóríp otyr. Al tóbesí opyrylǵan páter jekeshelenbegen, jergílíktí ákímdík balansyndaǵy múlík eken. Qarausyz, qańyrap bos tūrǵan. Onyń tehnıkalyq jaıyna bas auyrtqan bír jauapty bolmaǵan. Aryzdanǵanda ǵana tóbesín kórsetíp, qarasyn batyrady eken. Tūrǵyndar "endí íshínde adamy bar páterlerdíń tóbesí opyrylsa qaıtemíz" deıdí. Jergílíktí ákímdík tótenshe jaǵdaıdan soń ǵana áreket ete bastaımyz deıdí.
"Jóndeu júrgízu úshín ǵımaratty tolyq tekseríp shyǵyp, joba-smetasyn ázírleuímíz kerek. Tehnıkalyq baıqaudan soń, eger úı apatty dep tanylmasa, nysanǵa jóndeu júrgízu meselesí qaralady. Ol da belgílí bír merzímdí talap etedí", - deıdí Temírtau ákímdígí tūrǵyn úı sektorynyń jetekshísí Sáule Qanysheva.