Básekelestikti qorǵaý salasyndaǵy zańnamany buzý faktisin tirkeldi
Atyraý oblysynda "RTI-AMÓZ" JSHS-ǵa aıyppul salyndy. Oǵan monopolıalyq erejeni teris paıdalandy jáne negizsiz joǵary baǵa belgiledi degen aıyp taǵyldy, dep habarlaıdy Almaty-akshamy.kz.
Básekelestikti qorǵaý jáne damytý agenttiginiń Atyraý oblysy boıynsha departamenti Atyraý kólik prokýratýrasymen birlesip júrgizgen tekserý barysynda "RTI-AMÓZ" JSHS is-áreketterinen básekelestikti qorǵaý salasyndaǵy zańnamany buzý faktisin tirkedi. Atap aıtqanda, monopolıalyq joǵary baǵalardy belgileý jáne monopolıalyq erejeni teris paıdalaný sıpatynda zańbuzýshylyqtar oryn alǵan.
"Atyraý kólik prokýratýrasynyń usynysy negizinde departament "RTI-AMÓZ" JSHS-ne qatysty ákimshilik quqyq buzýshylyq týraly is qozǵady", - delingen BQDA habarlamasynda.
İsti qaraý qorytyndysy boıynsha Atyraý qalasynyń ákimshilik quqyq buzýshylyq jónindegi mamandandyrylǵan sotynyń qaýlysymen "RTI-AMÓZ" JSHS jalpy somasy 485 mln teńgege ákimshilik jaza qoldanylyp, ákimshilik jaýapkershilikke tartyldy, ol memleket paıdasyna tolyq kólemde tólendi.