Almatynyń Jetisý aýdanynda «Taza Qazaqstan» respýblıkalyq aksıasy aıasynda kógaldandyrý jáne kóriktendirý jumysy qarqyndy júrip jatyr. Aýdannyń málimetinshe, búgingi kúnge deıin 800 túp kóshet otyrǵyzyldy, sondaı-aq Seıfýllın–Jansúgirov jolaıyryǵy mańynda iri kólemdi aǵash egý jalǵasyp keledi. Jalpy, bul aýmaqta 500 túp úıeńki men jóke otyrǵyzylady.
Jolaıyryqtyń aınalasynda qoǵamdyq keńistikterdi keshendi kóriktendirý tolyq aıaqtaldy. Jalpy aýmaǵy – 3,4 gektar. Munda 30,4 myń m² aýmaq kógaldandyrylyp, 5,8 myń m² kespe tas tóseldi, sýarý júıesine arnalǵan jeti uńǵyma burǵylandy jáne 3,5 gektarǵa avtomatty sýarý júıesi ornatyldy. Budan bólek, 14 myń buta, 192 aǵash jáne 2 400 gúl egilip, eki alpilik tóbe jasaldy.
Jalpy alǵanda, bıyl Jetisý aýdanynda aǵash egý jospary tolyq oryndaldy — barlyǵy 1 300 kóshet otyrǵyzyldy. Barlyq jasyl jelekke tıisti kútim jasalady, al qýraǵan aǵashtardyń ornyna dereý saý aǵashtar egiledi.
