2026 jyly nauryz aıynan bastap Almatydaǵy Yqylas atyndaǵy halyq muzykalyq aspaptar muzeıí kelushíler úshín jańa jūmys kestesín engízdí.
Endí muzeı seısenbíden jeksenbíge deıín 10:00-den 00:00-ge deıín jūmys ísteıdí, – dep habarlaıdy aqshamnews.kz tílshísí.
Dúısenbí – sanıtarlyq kún.
Jańartylǵan jūmys kestesí qala tūrǵyndary men qonaqtaryna muzeıge keshkí uaqytta jáne ózderíne yńǵaıly kez kelgen uaqytta keluge múmkíndík beredí.
Muzeı 1981 jyly qūrylǵan. Muzeı qorynda qazaqtyń ūlttyq muzykalyq aspaptarymen qatar álemníń 50-den astam elíníń muzykalyq mádenıetín tanytatyn bíregeı jádígerler saqtalǵan.
Qazírgí uaqytta muzeıde 9 ekspozıtsıyalyq zal jūmys ísteıdí. Ekspozıtsıyada jelbuaz, adyrna, tūyaqtas sıyaqty sırek kezdesetín qazaq muzykalyq aspaptary, sondaı-aq keń taralǵan dombyra, qobyz, sybyzǵy kórsetílgen.
Aıta keteıík, būǵan deıín muzeı seısenbíden jeksenbíge deıín 10:00-den 19:00-ge deıín jūmys ísteıtín.
Yqylas atyndaǵy halyq muzykalyq aspaptar muzeıí Zenkov kóshesí, 24a mekenjaıynda ornalasqan.