2026 jylǵy 1 nauryzdaǵy jaǵdaı boıynsha atauly áleumettík kómek 30,3 myń otbasyndaǵy 163,3 myń adamǵa 5,2 mlrd teńge somasynda taǵaıyndaldy. Bıyl būl maqsattarǵa byudjetten 62,7 mlrd teńge qarastyrylǵan– dep habarlaıdy aqshamnews.kz tílshísí sala mınıstrlígíne sílteme jasap.
Būryn habarlanǵandaı, AÁK-níń negízgí maqsaty – aqshalaı tólem túrínde qoldaudy júzege asyru jáne otbasynyń eńbekke qabílettí múshelerín jūmyspen qamtuǵa járdemdesudíń belsendí sharalaryna tartu arqyly otbasyn qıyn ómírlík jaǵdaıdan shyǵaru.
AÁK mynalardy kózdeıdí:
- tabysy kedeılík shegínen aspaıtyn azamattarǵa toqsan saıyn áleumettík kómek taǵaıyndau;
- tabysy az otbasylardaǵy 1 jas pen 6 jas aralyǵyndaǵy ár balaǵa 1,5 AEK mólsherínde aı saıynǵy qosymsha tólem beru. Aǵymdaǵy jyldyń nauryzyna AÁK alushylar qatarynan mektep jasyna deıíngí 50,1 myń balaǵa 618,1 mln. teńge somasyna qosymsha tólem taǵaıyndaldy;
- jūmysqa ornalastyru, óz ísín ashuǵa nıettí otbasylarǵa granttar beru, bílíktílíktí arttyru kurstaryna jíberu (qajet bolǵan jaǵdaıda) jáne basqalar arqyly jūmyspen qamtuǵa járdemdesu.
Qazírgí uaqytta qazaqstandyqtar AÁK taǵaıyndauǵa ótíníshtí tūrǵylyqty jerí boıynsha mansap ortalyǵynda, auyl okrugíníń ákímíne sondaı-aq Elektrondyq úkímet portaly (egov.kz) arqyly bere alady.