Memleket basshysynyń bastamasymen júzege asyp jatqan «Taza Qazaqstan» jalpyūlttyq aktsıyasy ayasynda halyqtyń ekologıyalyq mádenıetín qalyptastyru, tabıǵattyń tazalyǵyn saqtau jónínde auqymdy jūmystar atqarylyp jatqany belgílí. Osy baǵytta búgín Abaı unıversıtetí Íle-Alatau memlekettík ūlttyq tabıǵı parkímen yntymaqtastyq turaly memorandumǵa qol qoıdy.
Abaı atyndaǵy QazŪPU basshylyǵy Íle-Alatau memlekettík ūlttyq tabıǵı parkíníń bas dırektory Ahmetov Elnūr Mūhamedjanūlymen kezdestí. Kezdesu barysynda «Taza Qazaqstan» jobasy ayasynda bírlese atqarylatyn jūmystar jaıy aıtylyp, ortaq ūsynystar men josparlar talqylandy. Jalpyūlttyq joba sheńberínde ekíjaqty áríptestíktí arttyryp, jastar arasynda ekologıyalyq tazalyqty nasıhattauǵa nazar audaryldy.
Talqylau barysynda unıversıtet basshylyǵy «Taza Qazaqstan» jobasy boıynsha qolǵa alynǵan bílím alushylar men oqytushy-professorlar qūramynyń ekologıyalyq ǵylymı zertteuleríne toqtaldy. Olardyń basym kópshílígí elímíz úshín ǵana emes, jahandyq ekologıya úshín mańyzdy desek bolady. Qos tarap adamzat úshín mańyzdy taqyryp ayasynda ǵylymı-tájírıbelík zertteu jūmystaryn aldaǵy uaqytta bírlese atqaruǵa uaǵdalasty.
Ūlttyq parktí bolashaq mamandardy dayarlauda tájírıbe alańyna aınaldyru máselelerí qozǵaldy. Tabıǵı nysandar, bıoaluantúrlílík pen ekojúıelerge qatysty málímetterdí taldau arqyly studentterdíń zertteu qabíletterín arttyru, bírlesken oqu qūraldary men ádístemelík eńbekter ázírleu jaıy sóz boldy. Ūlttyq parktíń derekter qoryn ǵylymı aınalymǵa engízíp, oqu úderísínde paıdalanu máselesí de nazardan tys qalǵan joq.
Sonymen qatar, Íle-Alatau ūlttyq parkíníń turıstík áleuetín arttyruǵa baǵyttalǵan jobalar da qaraldy. Atap aıtqanda, studentterdíń jańa tehnologıyalardy paıdalana otyryp, ekologıyalyq, tanymdyq jáne turıstík baǵyttaǵy bastamalardy júzege asyru múmkíndígí qarastyryldy. Mūndaı tsıfrlyq jobalar jastardyń qyzyǵushylyǵyn tudyryp, ūlttyq park qyzmetín keńírek nasıhattauǵa septígín tıgízedí.
Kezdesu sońynda taraptar ortaq sheshímge kelíp yntymaqtastyq turaly memorandumǵa qol qoıdy. Būl kelísím aldaǵy ekíjaqty bírlesken jūmystardyń berík negízíne aınalmaq.