Qazaqstanda bazar azaıyp barady, – dep habarlaıdy aqshamnews.kz tílshísí "Astana" telearnasyna sílteme jasap.
2025 jyldyń qorytyndysy boıynsha elímízde 588 bazar jūmys ísteıdí, 2024 jylǵa qaraǵanda bazar sany 38 bírlíkke azaıǵan.
Olardyń basym bólígí qalalyq jerlerde ornalasqan (417), auyldyq jerlerde — 171 bazar.
Bazarlar sany boıynsha tízím basynda Túrkístan oblysy tūr — 103, odan keıín Almaty oblysy — 57 men Aqtóbe oblysy — 53. Sauda bazary Ūlytau oblysynda eń az — 6 bazar.
Bazarlardaǵy sauda oryndarynyń sany da bír jyl íshínde azaıyp, 147,6 myńǵa jettí (2024 jyly — 150,8 myń).
Óńírlík bólíníste sauda oryndarynyń eń kóp sany Almaty qalasynda tírkelgen (26,5 myń), alǵashqy úshtíkte, sondaı-aq, Jambyl (19,8 myń) men Almaty oblystary da bar (17,2 myń).
Jalpy bazar sanynyń íshínde 265 bazar zańdy tūlǵalarǵa tıesílí bolsa, 323 bazar dara kásípkerlerdíń ıelígínde.
588 bazardyń 9 kommunaldyq, 323 jabyq bazarǵa jatady. Satylatyn tauar túríne qaraı 222 bazar mamandandyrylǵan, al 366 — ámbebap.
Sauda kólemí boıynsha 39 bazar kóterme, 549 bazar bólshek saudaǵa arnalǵan.