Qazaqstannyń halyq ártisi Asanáli Áshimovtiń zaıyby Baǵdat Áshimova áleýmettik jelidegi paraqshasynda otbasyndaǵy qaıǵyly habardy aıtty, - dep habarlaıdy aqshamnews.kz.
Onyń aıtýynsha, marqum Saǵıdyń jary, eki nemeresiniń anasy Selımhan ómirden ozǵan.
"Asylymnan aıyrylyp otyrǵanda, kóz jasymyzdy azaıta almaı, júregimiz jadap otyrǵanda taǵy bir qaıǵy shańyraǵymyzdy torlady. Saǵıdyń jary, eki nemeremizdiń anasy Selımhan ómirden ozdy. Ansarym men Maıramnyń kóz jasyn súrtý, qaıǵyda qasynda bolý, ómir ary qaraı jalǵasatynyn túsindirý ońaı emes. ALLA endi jylatpasyn... Selımhan kelinimizdiń jatqan jeri jumaqtyń tóri bolsyn", – dep jazdy Baǵdat Áshimova.