Syrdarıya ózenínde zańsyz su tartu úshín ornatylǵan bírneshe nasos qondyrǵylary anyqtaldy, dep habarlaıdy Aqshamnews.kz QR Su resurstary jáne ırrıgatsıya mınıstrlígíníń baspasóz qyzmetíne sílteme jasap.
«Aral-Syrdarıya basseındík ınspektsıyasynyń mamandary Syrdarıya ózenínen zańsyz su alǵan toǵyz tírkelmegen nasos qondyrǵysyn anyqtady. Atalǵan faktíler boıynsha toǵyz ákímshílík ís qozǵalyp, qūqyq būzushylarǵa jalpy somasy shamamen 1,7 mıllıon teńge kólemínde aıyppūl salyndy. Jalpy, jyl basynan berí arnaıy su paıdalanuǵa rūqsaty joq 62 tūlǵa anyqtalyp, olarǵa 12,7 mıllıon teńgeden astam aıyppūl salyndy», – delíngen jeksenbí kúní taratylǵan habarlamada.
Būdan bólek, jańa Su kodeksíníń kúshíne enuíne baılanysty ınspektsıya mamandary 73 eldí mekende túsíndíru jūmystaryn júrgízgen.
«Sondaı-aq, bír zań būzushylyq faktísí Tobyl-Torǵaı basseındík ınspektsıyasy tarapynan anyqtaldy. Atap aıtqanda, negízgí su qūbyrynda aqau jáne su eseptegísh qūraldyń ísten shyqqany belgílí boldy», – dep tolyqtyrdy mınıstrlík.
Nátıjesínde su paıdalanushyǵa aıyppūl salynyp, anyqtalǵan kemshílíkterdí joyu turaly nūsqama beríldí.
«Qazírgí uaqytta barlyq basseındík ınspektsıyalar su zańnamasyn būzu derekterín anyqtau maqsatynda tūraqty túrde monıtorıng júrgízíp jatyr. Sonymen qatar, su paıdalanushylarǵa jańa Su kodeksí, suarmaly sudy paıdalanu erejelerí, arnaıy su paıdalanuǵa rūqsat rásímdeu jáne su únemdeu tehnologıyalaryna kóshu qajettígí boıynsha túsíndíru jūmystary da júrgízílude», – dedí QR Su resurstaryn retteu, qorǵau jáne paıdalanu komıtetí tóraǵasynyń orynbasary Temírlan Ábdíqūlov.