Sınoptıkter 12 nauryzǵa Qazaqstannyń bírneshe óńírínde dauyldy eskertu bolatynyn aıtty, – dep habarlaıdy aqshamnews.kz «Qazgıdromet» RMK baspasóz qyzmetíne sílteme jasap.
Ūlytau oblysynda túnde batys, soltústík jáne shyǵys bólíkterínde qar jauyp, boran soǵady. Kúndíz soltústík pen shyǵysta azdaǵan qar men jayau būrqasyn kútíledí. Batys pen ońtústíkte tūman túsíp, kúndíz kóktaıǵaq bolady. Jeldíń jyldamdyǵy sekundyna 15-20 m jetedí.
Qaraǵandy oblysynda qar jauyp, boran soǵady. Shyǵys jáne ońtústík bólíkterínde tūman kútíledí. Jeldíń ekpíní keı jerlerde 23-28 m/s deıín kúsheyuí múmkín. Qaraǵandy qalasynda da qar men boran boljanyp otyr.
Pavlodar oblysynda qar jauyp, boran bolady. Jeldíń jyldamdyǵy 15-20 m/s, keı jerlerde 23-28 m/s deıín jetedí.
Almaty oblysynda ońtústík jáne tauly audandarda tūman túsíp, joldarda kóktaıǵaq bolady. Túnde soltústíkte jáne tauly aımaqtarda 25 gradusqa deıín ayaz kútíledí. Almaty jáne Qonaev qalalarynda tūman men kóktaıǵaq boljanyp otyr.
Soltústík Qazaqstan oblysynda túnde qar men boran, kúndíz jańbyr men qar túríndegí jauyn-shashyn, kóktaıǵaq jáne boran bolady. Jeldíń ekpíní 25 m/s deıín jetuí múmkín.
Túrkístan oblysynda batys, soltústík jáne tauly audandarda tūman kútíledí. Shymkent pen Túrkístan qalalarynda da uaqytsha tūman túsedí.
Atyrau oblysynda jeldíń jyldamdyǵy keı jerlerde 15-20 m/s deıín kúsheıedí.
Abaı oblysynda soltústígínde qar jauyp, boran soǵady. Semeıde de osyndaı aua raıy saqtalady.
Batys Qazaqstan oblysynda tūman men kóktaıǵaq bolady. Oral qalasynda túnde jáne tańerteń kóktaıǵaq kútíledí.
Aqtóbe oblysynda túnde keı jerlerde jańbyr men qar aralas jauyn-shashyn, jayau būrqasyn jáne kóktaıǵaq boljanyp otyr. Keı audandarda tūman túsedí.
Shyǵys Qazaqstan oblysynda soltústík jáne shyǵys bólíkterínde qar men boran kútíledí. Óskemende kúndíz qar jauyp, boran soǵady.
Qostanaı oblysynda túnde qar men boran, kúndíz jańbyr men qar aralas jauyn-shashyn, kóktaıǵaq jáne tūman bolady.
Qyzylorda oblysynda jáne Qyzylorda qalasynda tūman kútíledí.
Mańǵystau oblysynda túnde keı jerlerde tūman túsedí.
Aqmola oblysynda túnde qar men boran, kúndíz jańbyr men qar aralas jauyn-shashyn, kóktaıǵaq bolady. Jeldíń ekpíní keı jerlerde 30 m/s jáne odan da joǵary boluy múmkín. Astana qalasynda da qar men boran kútíledí.
Jambyl oblysynda ońtústík jáne tauly audandarda tūman túsedí. Tarazda da uaqytsha tūman bolady.
Jetísu oblysynda ońtústík jáne tauly aımaqtarda tūman kútíledí. Alakól mańynda jeldíń ekpíní 23-28 m/s deıín kúsheyuí múmkín. Túnde keı jerlerde 25 gradusqa deıín ayaz bolady.