1 mamyrdan Sý resýrstary jáne ırrıgasıa mınıstrliginiń «Qazsýshar» mekemesi qyzmetkerleriniń aılyǵy orta eseppen 25%-ǵa ósti.
Atap aıtqanda, eńbekaqysy respýblıkalyq búdjetten tólenetin mamandardyń aılyqtary kóbeıdi.
Eske sala ketsek, osy jyldyń 1 qańtarynan aılyqtary tarıf esebinen tólenetin «Qazsýshar» mamandarynyń eńbekaqylary orta eseppen 23%-ǵa kóterilgen edi. Nátıjesinde, kásiporyn qyzmetkerleriniń jalpy sanynyń 47%-ynyń aılyqtary ulǵaıdy. Bul arnalar arqyly sýarmaly sý jetkizýdi qamtamasyz etetin mamandar.
«Mınıstrlik kadr jetispeýshiligi máselesin sheshý maqsatynda sý salasy mamandyqtarynyń tartymdylyǵyn arttyrý úshin birqatar is-sharalardy júzege asyrýda. Máselen, «Qazsýshar» qyzmetkerleriniń eńbekaqysy respýblıkalyq búdjetten jáne tarıf esebinen de kezeń-kezeńimen ulǵaıyp jatyr. Budan bólek, saladaǵy mamandar biliktilik arttyrý kýrstarynan ótedi. Bıyl 450 maman arnaıy kýrstardan ótýi tıis», - dedi Sý resýrstary jáne ırrıgasıa mınıstrliginiń resmı ókili Móldir Ábdýalıeva.