Soltústik Qazaqstan oblysyndaǵy aýyldardyń birindegi jeke úıde órt shyqty. Órt saldarynan er adam men kámeletke tolmaǵan bala qaza tapty, TJM ekinshi balany izdep jatyr, - dep habarlaıdy aqshamnews.kz TJM-ge silteme jasap.
Qaıǵyly oqıǵa 11 qańtarda keshke M. Jumabaev atyndaǵy aýdannyń Maıbalyq aýylynda boldy. 101 púltine habar túskennen keıin oqıǵa ornyna órtke qarsy qyzmet bólimsheleri jiberildi. Kelgen kezde úıdiń tolyq otqa oranyp, túgeldeı qulaǵany anyqtaldy.
Úı ıesiniń aıtýynsha, ishinde onyń jubaıy jáne kámeletke tolmaǵan eki bala bolǵan. Órtti sóndirý jáne úıindilerdi arshý barysynda qutqarýshylar er adam men bir balanyń máıitin tapty. Ekinshi balany izdeý jumystary jalǵasyp jatyr.
Oqıǵa ornynda departament basshylyǵy men TJD psıhologtary zardap shekken áıelge kómek kórsetip jatyr.
Órt 64 sharshy metr aýmaqta tolyq sóndirildi. Órttiń shyǵý sebebi anyqtalady.
Eske salaıyq, buǵan deıin Taldyqorǵanda bes qabatty turǵyn úıde iri órt shyqqan edi. Jetisý oblysynyń TJD málimetinshe, órt sóndirýshiler 8 adamdy qutqarǵan, olardyń 7-eýi - balalar.