Qazgıdromet sınoptıkteri 25, 26 jáne 27 jeltoqsan kúnderine arnalǵan aýa raıy boljamyn usyndy, - dep habarlaıdy aqshamnews.kz tilshisi.
Aldaǵy kúnderi Qazaqstan aýmaǵynan belsendi soltústik-batys sıklony ótedi. Onyń áserinen ońtústik óńirlerde qar men jańbyr túrindegi jaýyn-shashyn bolady. 26 jeltoqsanda eldiń ońtústigi men ońtústik-shyǵysynda kúshti jaýyn-shashyn kútiledi.
"Respýblıka boıynsha boran soǵyp, jel kúsheıedi, batys jáne ońtústik óńirlerde kóktaıǵaq qubylystary baıqalady", – dep habarlady sınoptıkter.
27 jeltoqsanda sıklonnyń ornyn sýyq batys antısıklony basady. Sonyń saldarynan jaýyn-shashyn birtindep toqtap, aýa temperatýrasy tómendeıdi: túnde eldiń soltústik-batysy men soltústiginde aýa temperatýrasy 25–30 gradýs aıazǵa deıin, shyǵysynda 22–30 gradýs aıazǵa deıin tómendeıdi.