Almaty qalasynda QR ŪQK Terrorızmge qarsy ortalyǵy bólímíníń úılestíruímen, qūqyq qorǵau organdary men jergílíktí atqarushy organdardyń profıldík basqarmalary ókílderíníń qatysuymen terrorıstík tūrǵydan osal obektílerdíń (TTO) tízbesín jańartu máselesíne arnalǵan jūmys tobynyń bıylǵy alǵashqy otyrysy óttí.
Otyrys barysynda qatysushylar obektílerdí tízbege engízu jáne odan shyǵaru krıterıılerín, terrorızmge qarsy qauípsízdík sharalaryn íske asyru kezínde tuyndaıtyn problemalardy, sondaı-aq vedomstvoaralyq ózara ís-qımyldy jetíldíru qajettílígín talqylady.
Arnaıy nazar qauípsízdíktíń zamanauı tehnıkalyq qūraldaryn engízuge, personaldy dayarlau deńgeıín arttyruǵa jáne obektílerdíń qorǵaluyn qamtamasyz etuge baǵyttalǵan ūıymdastyrushylyq sharalarǵa audaryldy.
Otyrys qorytyndysy boıynsha TTO obektíleríníń tízbesín túzetu jónínde ūsynystar ázírleníp, terrorızmge qarsy qorǵanys salasyndaǵy normatıvtík-qūqyqtyq bazany jáne praktıkalyq tetíkterdí odan árí jetíldíru boıynsha naqty qadamdar aıqyndaldy.
Qazírgí uaqytta jūmys toby TTO obektíleríníń tízbesín jańartu jūmystaryn múddelí memlekettík organdar men profıldík basqarmalardyń ūsynystaryn eskere otyryp, josparly túrde jalǵastyruda.