6 qańtarda Shymkent – Almaty avtojolynda tórt kóliktiń qatysýymen jappaı jol-kólik oqıǵasy boldy, dep habarlaıdy Aqshamnews.kz tilshisi Otyrar-ǵa silteme jasap.
Aldyn ala málimetterge sáıkes, apattyń negizgi sebebi qolaısyz aýa raıy bolǵan. Tańǵy ýaqytta óńirde aýa raıy kúrt nasharlap, joldy qoıý tuman basqan. Sonyń saldarynan kóriný qashyqtyǵy aıtarlyqtaı tómendegen.
Jol apaty saldarynan eki adam túrli jaraqat alyp, medısınalyq kómekke júgingen.
Túrkistan oblysynyń polısıa qyzmetkerleri Shymkent – Túrkistan jáne Almaty – Taraz baǵyttarymen júretin júrgizýshilerdi jol qozǵalysy erejelerin qatań saqtaýǵa, qaýipsiz araqashyqtyqty ustanýǵa, jyldamdyqty asyrmaýǵa jáne qaýipsizdik beldigin taǵýǵa shaqyrdy.