Almatyda 1-2 qarashada keńeıtílgen auyl sharuashylyǵy jármeńkesí ótíp jatyr. Qala tūrǵyndary men qonaqtary Shyǵys Qazaqstan oblysynyń fermerlerí men auyl sharuashylyǵy kásíporyndarynan tíkeleı balǵyn árí sapaly ónímderdí qoljetímdí baǵamen satyp ala alady.
Jármeńke Qazybek bı kóshesínde, Abylaı han dańǵylynan Panfılov kóshesíne deıíngí aralyqta ūıymdastyrylǵan jáne saǵat 08:00-den 17:00-ge deıín jūmys ísteıdí.
Ís-shara barysynda 50-den astam túrlí óním túrí ūsynylǵan. Onyń íshínde et jáne sút ónímderí, jemís-jıdek pen kókónís, tabıǵı bal, shūjyq ónímderí, jarma, ūn, ósímdík jáne mal maılary jáne basqa da taǵam túrlerí bar.
Jalpy satylym kólemí shamamen 400 tonna óním. Sonyń íshínde 120 tonnasy – et ónímderí, 100 tonnasy – kókónís pen jemís-jıdek, 50 tonnasy – sút ónímderí, al qalǵan 130 tonnasy – ózge de tauarlar.