Almaty oblysynda Lay’s qytyrlaqtaryn shyǵaratyn PepsiCo kompanıasy zaýytynyń qurylysynda isteıtin jumysshylardyń biri zaýyt basshylyǵynyń zańsyz áreketin jaıyp saldy, dep habarlaıdy aqshamnews.kz
Jumysshynyń aıtýynsha, «Nak» Nur Astana Qurylys kompanıasy» qurylys qaldyqtaryn joımaı, jerdi qazyp kómip tastap jatyr.
Avtor vıdeo jarıalap, óziniń osy áreketti kórsetkeni úshin jumystan qýylatynyn da aıtty. Beınejazbada KamAZ kóligi ártúrli erimeıtin, shirimeıtin qoqysty tıep ákelip, qazylǵan shuńqyrǵa tógip jatyr, sodan keıin ol jer tegistelip, eshteńe bolmaǵandaı báz baıaǵy qalpyna keltiriledi.
«Zaýyttan shyqqan qoqys. Paketter. Shirip jerge sińip ketetin de nárse emes. Osy shuńqyrǵa ákep tógedi, sosyn betin tegistep jaýyp tastaıdy. «NAK» Nur Astana Qurylys» salyp jatqan, «prorab» Erjigit degen adam jasatyp jatyr. Ózi jamaǵatqa syıly, jumaǵa baryp júrgen adam. Yntymaq aýylyndaǵy jaǵdaı, qazirgi Alataý qalasy. Meni osy úshin jumystan shyǵaryp jiberedi, kepildik berem, biraq aıtpasqa bolmady, júrekke tynyshtyq joq. Óziń jerińdi óziń lastaǵanǵa kináli sezinesiń, shara qoldansańyzdar»,- dedi jumysshy.
Lay’s qytyrlaqtaryn shyǵaratyn zaýytyń qurylysy 2024 jyly bastalǵan, bıylǵy naýryzda iske qosý josparlanǵan.