Qazaqstandyq shahmatshy Bıbísara Asaubaeva Instagram jelísínde oqyrmandarynyń sūraqtaryna jauap berdí. Áıgílí sportshyǵa jazylushylardyń bírí odan jeke ómírí, naqtyraq aıtqanda súıíktísí turaly sūraǵan, - dep habarlaıdy Aqshamnews.kz tílshísí.
Bıbísara Asaubaeva būl saualǵa tíkeleı jauap bermeı, "mahabbat" degen jazuy bar altyn saqınanyń fotosyn jarıyalaǵan.
Aıta keteıík, jeltoqsan aıynyń ayaǵynda Bıbísara Asaubaeva blıts boıynsha álem chempıony ataǵyn úshínshí márte ıelendí. Fınalda ol ukraınalyq shahmatshy Anna Muzychukty jeńgen. Jeńísí úshín qazaqstandyq sportshy 40 myń euro (shamamen 23,8 mln teńge) syıaqy alǵan.
Al qańtardaǵy FIDE reıtıngínde Asaubaeva 2497 ūpaımen 11-orynda tūr.
Sondaı-aq Memleket basshysy Qasym-Jomart Toqaev shahmatshyny álem chempıonatyndaǵy jeńísímen qūttyqtap, halyqaralyq turnırlerdegí jetístíkterí men shahmattyń damuyna qosqan úlesí úshín ony II dárejelí "Barys" ordenímen marapattady.