Memlekettík sayasattyń basym baǵyttarynyń bírí retínde shaǵyn jınaqty auyl mektepterín qoldau máselesí aıryqsha nazarda qala beredí. Jarlyqty íske asyru ayasynda Úkímet 2026 jylǵy 1 mausymǵa deıín orta bílím beru salasyndaǵy pılottyq jobany júzege asyru jáne ony keıínnen keńeıtu boıynsha naqty ūsynystar engízuí tıís.
Atalǵan jańashyldyqtar qala jáne auyl mektepterí arasyndaǵy bílím sapasyndaǵy alshaqtyqty qysqartuǵa baǵyttalǵan.
Pılottyq jobaǵa elímíz boıynsha 2600-den astam shaǵyn jınaqty auyl mektepteríníń íshínen 500 mektep qatysady. Būl naqty jaǵdaılarda eń tıímdí tsıfrlyq jáne jasandy ıntellekt sheshímderín synaqtan ótkízuge, olardyń bílím sapasyna jáne mektepterdí basqaru protsesteríne áserín baǵalauǵa múmkíndík beredí.
Pılottyq kezeńníń qorytyndysy boıynsha tıímdí tájírıbeler barlyq bílím beru júıesíne kezeń-kezeńímen masshtabtandyrylady. Mūndaı tásíl tehnologıyalardy óńírlík erekshelíkterge, eń aldymen auyldyq aumaqtardyń naqty qajzettílígíne beıímdeudí qamtamasyz etedí.