Bílím beru júıesín tsıfrlyq transformatsıyalau mektep ortasynyń barlyq negízgí baǵyttaryn júıelí túrde jańǵyrtudy kózdeıdí. Būl mektepterdíń tehnıkalyq ınfraqūrylymyn damytu, zamanauı tsıfrlyq bílím beru platformalaryn engízu jáne oqytudyń árbír balaǵa qajettí traektorıyalaryna kezeń-kezeńímen kóshu baǵyttaryn qamtıdy. Jasandy ıntellekt tehnologıyalaryn paıdalanu árbír oqushynyń jeke erekshelíkterín, daıyndyq deńgeıí men oqu materıalyn meńgeru qarqynyn eskeruge múmkíndík beríp, oqu protsesíníń ıkemdílígí men tıímdílígín arttyrady. Jarlyqqa sáıkes, 2026 jylǵy 1 tamyzǵa deıín pılottyq jobany íske asyru ayasynda mektepterdí tehnıkalyq jabdyqtarmen, onyń íshínde tūraqty joǵary jyldamdyqty ınternetpen qamtamasyz etu kózdelgen.
2026 jylǵy 1 qyrkúıekke deıín orta bílím beru júıesínde jasandy ıntellektíní qoldanu standarttary bekítíluí tıís.