Jarlyqqa sáıkes, 2026 jylǵy 1 shíldege deıín Úkímet 2026–2029 jyldarǵa arnalǵan jasandy ıntellektíní orta bílím beru júıesíne keńínen engízuge baǵyttalǵan Keshendí jospardy bekítedí. Atalǵan jospar bílím berudí daralandyru tetíkterín qūrudy, tsıfrlyq ınfraqūrylymdy damytu, pedagog kadrlardy dayarlau jáne bílím alushylardyń derbes derekterín qorǵaudy qamtıdy.
Keshendí jospardy íske asyru ayasynda pedagog kadrlardyń bílíktílígín arttyru boıynsha auqymdy jūmys kózdelgen. Būl rette tsıfrlyq daǵdylardy damytuǵa jáne jasandy ıntellekt salasyndaǵy qūzyretterdí qalyptastyruǵa erekshe nazar audarylady. Oqytu tsıfrlyq platformalarmen jūmys ísteu daǵdylaryn meńgerudí, jasandy ıntellekt qūraldarynyń jūmys ísteu qaǵıdattaryn túsínudí jáne olardy oqu protsesínde tıímdí qoldanudy qamtıdy. Būl óz kezegínde bílím beru júıesíne jańa tehnologıyalardy ornyqty árí tıímdí engízudí qamtamasyz etedí.