Qazaqstannyń belgílí kompozıtory, marqūm Arman Dúısenovtíń jary Aısūlu Aıdanqyzy “TalkLike” baǵdarlamasynda sazgerdíń qazasyna qatysty būryn jarıya bolmaǵan málímetterdí aıtty, - dep habarlaıdy Aqshamnews.kz.
Onyń aıtuynsha, Arman Dúısenov qaıtys bolǵan jer turaly būǵan deıín taraǵan aqparat shyndyqqa saı emes.
"Maǵan Kalelhan Imanmádı habarlasyp, “Armannyń jaǵdaıy nashar” dedí. Ūlymyzben dereu zauytqa jettík. Jedel járdem kólígí syrtta tūr eken. Feldsherlermen bírge ekínshí qabatqa kóteríldík, Armannyń betí jabuly jatyr. “Ne boldy?” dep sūraǵanymda, “júregí toqtap qaldy” dedí. Ol eshqandaı jertólede kóz jūmǵan joq. Būl resmı túrde tírkelgen", – dedí ol.
Aısūlu Aıdanqyzy kompozıtordyń sońǵy sátí turaly da bayandady.
"Zauyt ekí qabatty, íshínde studıya joq. “Arman būl jerge nege kelgen?” dep sūradym. Olar “Balalarmen bírge tań namazyna dáret alǵan. Balalar sapqa tūrǵan kezde Arman tūrmaı, dıvanda jatqan. Oyatpaq bolǵanda, tūrmaǵanyn kórdík” dep aıtty" - dedí sazgerdíń jary.
Eske sala keteıík, Arman Dúısenov - qazaq óneríníń damuyna ólsheusíz úles qosqan, elge syıly kompozıtor.