Áıelinen sálem salýdy talap etken er adam sot aldynda jaýap berdi, dep habarlaıdy aqshamnews.kz
Er adam qaıyn enesine qońyraý shalyp, qyzy men nemerelerin alyp ketýdi dóreki túrde talap etken
Jambyl oblysy Jýaly aýdandyq soty otbasylyq-turmystyq qatynastardaǵy bylapyt sózder boıynsha ákimshilik quqyq buzýshylyq týraly isti qarady.
Oblystyq sottyń baspasóz qyzmetiniń habarlaýynsha, meıramhanadaǵy úılený toıy kezinde er adam jubaıynan ejelgi qazaq dástúri boıynsha úlken ápkesine sálem salýdy ótingen. Alaıda áıeli óz kezeginde ótinishti oryndaýdan bas tartqan. Ári qaraı, olar úıge oralǵan soń, azamat áıeliniń minez-qulqyna narazylyǵyn bildirip, oǵan qatysty bylapyt sózder aıtqan.
"Sotta quqyq buzýshy óziniń kinásin tolyq moıyndap, áıelinen shyn júrekten keshirim surap jáne taraptardyń medıasıa tártibimen tatýlasqanyna baılanysty sottan is boıynsha óndiristi toqtatýdy surady", - dep jazylǵan habarlamada.
Jábirlenýshi kúıeýi qaıyn enesine qońyraý shalyp, qyzy men nemerelerin alyp ketýdi dóreki túrde talap etkenin túsindirdi. Degenmen ol da tatýlasýǵa baılanysty is boıynsha is júrgizýdi toqtatýdy surady.
Sot qaýlysymen is boıynsha is júrgizý taraptardyń medıasıa tártibimen tatýlasqanyna baılanysty toqtatyldy.
Sot qaýlysy zańdy kúshine engen joq.