Almatynyń Bostandyq aýdanynda jylý qubyrlaryn jańǵyrtýǵa baılanysty Rozybakıev pen Baıqadamov kósheleriniń qıylysynda kólik qozǵalysy shekteledi, - dep habarlaıdy Aqshamnews.kz tilshisi.
Aldaǵy jylytý maýsymyna daıyndyq barysynda Almatynyń Bostandyq aýdanynda jylý jelilerin josparly qaıta jańǵyrtý jalǵasýda. Bul jumys aıasynda 1984 jyly paıdalanýǵa berilgen jalpy uzyndyǵy 1,2 shaqyrymdyq jylý magıstrali aýystyrylady.
Osyǵan baılanysty 2025 jyly 16 tamyzdan 27 tamyzǵa deıin Rozybakıev pen Baıkadamov kósheleriniń qıylysynda avtokólik qozǵalysy ýaqytsha toqtatylady.
Bul shekteýler atalǵan kósheniń astynan ótetin qubyr jelisin qaıta jańartý boıynsha josparly jumystardyń qaýipsizdigin qamtamasyz etý maqsatynda engiziledi. Jańartý jumystary kezinde tutynýshylarǵa ystyq sý berý toqtatylmaıdy.
Atalǵan jylý magıstrali 97 kóppáterli turǵyn úıdi, 12 jeke turǵyn úıdi, 4 balabaqshany, 2 aýrýhanany jáne 27 ózge de nysandy jylý energıasymen jáne ystyq sýmen qamtamasyz etedi.
Jalpy, bıyl qala boıynsha 39 shaqyrym jylý jelisin qaıta jańartý josparlanǵan. Bul tozý deńgeıin 54%-ǵa deıin tómendetedi.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdan ákimdikteri men basqarmalarynyń áleýmettik jelilerinde, sondaı-aq «2GIS» jáne «Iandeks kartalar» servısterinde jarıalanǵan.