Alty azamatqa «Jetísu oblysynyń Qūrmettí azamaty» ataǵy beríldí
Búgín Taldyqorǵan qalasynyń B.Rımova atyndaǵy drama teatrynda Respublıka kúníne arnalǵan saltanatty jıyn óttí. Merekelík jıynda oblys ákímí Beıbít Isabaevtyń qolynan qyryq jetísulyq azamat memlekettík nagradalar men el jáne oblys deńgeıíndegí qūrmettí ataqtar aldy. Olardyń qatarynda kórnektí kompozıtor, eńbek ardagerí Mūrathan Egínbaev, belgílí aıtys aqyny Aıtaqyn Būlǵaqov, ǵaryshker, Halyq qaHarmany Aıdyn Aıymbetov jáne basqa da azamattar bar. Respublıka kúníne oraı Astanada jáne Taldyqorǵanda jalpy sany 45 azamat marapatqa ıe boldy, dep habarlaıdy Almaty-akshamy.kz Jetísu oblysy ákímíníń baspasóz qyzmetíne sílteme jasap.
Jınalǵan jūrtshylyqty qūttyqtaǵan oblys ákímí Beıbít Isabaev merekelík kúntízbege qaıta qosylǵan Respublıka kúníníń el táuelsízdígí tarıhyndaǵy mańyzyna toqtaldy.
- Memleket basshysy Qasym-Jomart Kemelūly Toqaev elímízdíń basty merekesí retínde Respublıka kúnín qaıta qalpyna keltírudí ūsynǵan bolatyn. Būl bastama qoǵam tarapynan qyzu qoldau tapty. «Egemendík turaly» deklaratsıya qabyldanǵan 1990 jylǵy 25 qazanda táuelsízdígímízdíń alǵysharty jasaldy, betke alar baǵytymyz aıqyndaldy. Būl kún bíz úshín sonysymen qūndy. Qazaqstan – bízdíń ómír súríp otyrǵan ortaq Otanymyz. Sondyqtan onyń taǵdyry, búgíní men bolashaǵy eldíń árbír azamatyna tíkeleı qatysty, - dedí B.Isabaev.
Oblys ákímí óz sózínde ádílettílík prıntsıpín ūstanǵan jańa Qazaqstannyń alǵashqy qadamy memlekettík basqaru júıesíndegí, qoǵamdyq-sayası qūrylymdaǵy túbegeılí ózgerísterden bastalyp otyrǵanyna toqtaldy.
- Būl turaly kúní keshe oblysymyzǵa arnaıy jūmys saparymen kelgen Prezıdent Qasym-Jomart Toqaevtyń ózí jūrtshylyqpen kezdesuínde atap óttí. Jetísu oblysyn damytudyń mańyzdy basym baǵyttaryn aıqyndap, naqty tapsyrmalar berdí. Jańa oblysymyzǵa būdan bylaı da qarjylaı qoldau kórsetíletínín aıtty. Aldaǵy uaqytta búkíl el bolyp, bereke-bírlígímízdí tanytyp, táuelsízdígímízdíń tūǵyrly, bolashaǵymyzdyń bekem boluyna bírkísídeı atsalysa beremíz dep senemín. Respublıka kúní merekesí qūtty bolsyn! Elímízge tynyshtyq, halqymyzǵa baq-bereke, ár shańyraqqa tolaıym tabys, ıgílíktí ǵūmyr tíleımín! – dedí óz qūttyqtauynda Beıbít Isabaev.
Mūnan soń oblys ákímí óńírdíń damuyna zor úles qosqan bírqatar jetísulyq azamatty «Qūrmet», «Eńbek dańqy» ÍÍÍ dárejelí ordenderímen, «Eren eńbegí úshín», «Shapaǵat» medaldarymen, Qazaqstan Respublıkasynyń Qūrmet gramotasymen marapattap, «Qazaqstannyń eńbek síńírgen qaıratkerí», «Jetísudyń Qūrmettí azamaty» ataqtaryn berdí. Marapat alǵandardyń arasynda «Altynaı» memlekettík halyq bı ansamblíníń kórkemdík jetekshísí Gúlmıra Smaǵūlova, Alakól audanyndaǵy «Er-Asyl» sharua qojalyǵynyń tóraǵasy Erík Juanyshbaev, belgílí kompozıtor, Halyqaralyq jáne Qazaqstan kompozıtorlar odaqtarynyń múshesí Mūrathan Egínbaev, «Taldyqorǵan Kórkeıtu» JShS kógaldandyru sheberí Mūhtar Áıtíbaev, «Koksu S&M Company» JShS jūmysshysy Erbol Toqtaǵūlov, belgílí aıtysker aqyn, «Alatau» qoǵamdyq-sayası gazetíníń bas redaktory Aıtaqyn Būlǵaqov, eskeldílík kásípker Oksana Vlasenko, «Zeket» qaıyrymdylyq qorynyń ókílí Qanat Egízov, Sarqan audandyq ortalyq auruhanasynyń medbıkesí Nadejda Mıhaılova, Kerbūlaq audanyndaǵy J.Tobayaqov atyndaǵy orta mekteptíń mūǵalímí Jámılá Shoıymbekova jáne basqa da tūrǵyndar bar.
Sol sıyaqty alty azamatqa «Jetísu oblysynyń Qūrmettí azamaty» ataǵy beríldí. Atap aıtqanda, eńbek ardagerí, QSRO «Qūrmet belgísí», «Halyqtar dostyǵy» ordenderíníń, sol sıyaqty Qazaqstannyń «Qūrmet», «Parasat» ordenderíníń ıegerí Asylmūrat Tūrǵanbekov, Qazaqstan Respublıkasynyń ǵaryshkerí, Halyq qaharmany Aıdyn Aıymbetov, «Ernar» sharua qojalyǵynyń basshysy, «Qūrmet» ordeníníń ıegerí, metsenat Tasqyn Japarqūl, eńbek ardagerí, QR bílím beru ísíníń Qūrmettí qyzmetkerí Anatolıı Aleksandrovıch Ruder, Grek-rım kúresí federatsıyasynyń qūrmettí prezıdentí, «Barys» ordeníníń úsh bírdeı dárejesíníń ıegerí, metsenat Sauat Myńbaev, memleket jáne qoǵam qaıratkerí, eńbek ardagerí, «Qūrmet» ordeníníń ıegerí Jomartqalı Jeksenbınov alǵashqylardyń bírí bolyp «Jetísu oblysynyń Qūrmettí azamaty» atandy.