Elde lokdaun jarıyalandy
30 qazannan bastap búkíl el aumaǵynda lokdaun bastalady. Máskeude būl tártíp búgínnen bastap engízíldí, dep habarlaıdy Almaty-akshamy.kz
Epıdahual ushyqqandyqtan, búgínnen bastap Máskeude tek azyq-túlík dúkenderí, dáríhanalar men ekpe salu ortalyqtary jūmys ísteıdí. Egde jastaǵy kísílerge oqshaulanu nūsqauy beríldí.
El boıynsha eń qatań lokdaun Hakas respublıkasynda jarıyalandy. 26 qazannan bastap mūnda komendanttyq saǵat kúshíne endí. Túngí saǵat 22.00-den tańǵy saǵat 06.00-ge deıín úıden shyǵuǵa tyıym salyndy. Alaıda shekteu sharalary, qr-kodtar júıesí men lokdaunǵa qaramastan, elde vaktsınalau qarqyny tómen. Ūjymdyq ımmunıtet 50 paıyzǵa da jetpegen.
Ázírshe Máskeu ákímshílígí lokdaun merzímín ūzartu jaıly sheshím shyǵarǵan joq. Būl epıdahaulǵa baılanysty bolmaq. Dese de, jaǵdaıdy túpkílíktí oń ózgertu úshín bír apta tym qysqa merzím.