Zańdaǵy jańa ózgerísterge sáıkes qysym kórsetu arqyly nekege májbúrleu úshín 2 jylǵa deıín, auyr zardaptar bolsa, 10 jylǵa deıín bas bostandyǵynan aıyru jazasy kózdeledí, dep habarlaıdy aqshamnews.kz
Qylmystyq kodekske nekege tūruǵa májbúrleu úshín qylmystyq jauaptylyq kózdelgen jańa 125-1-baby engízíldí, dep habarlady bas prokuratura.
Atalǵan zańǵa memleket basshysy 2025 jyldyń 16 shíldesínde qol qoıdy.
Májbúrleu, ásírese qysym, qorqytu, psıhologıyalyq nemese fızıkalyq zorlyq kórsetu – būl adamnyń negízgí qūqyqtaryn būzu bolyp tabylady.
Bas prokuraturanyń habarlauynsha, kóptegen elde mūndaı áreket auyr qylmys retínde qarastyrylady, sebebí májbúrlí neke oqshaulau, erkíndíktí shekteu, zorlyq-zombylyq jáne keıbír jaǵdaılarda qūrbandardyń óz-ózíne qol jūmsau áreketterímen qatar júruí múmkín. Típtí bírqatar elde mūndaı neke adam saudasynyń bír túrí retínde tanylady.
"Sońǵy 5 jylda Qazaqstanda osyndaı 257 qylmystyq ís tírkeldí, olardyń 95%-y toqtatyldy. Jańa zańnamaǵa sáıkes, qorqytu, bopsalau, kúsh qoldanu nemese basqa da qysym kórsetu arqyly nekege májbúrleu úshín 2 jylǵa deıín, al eger auyr zardaptar bolsa – 10 jylǵa deıín bas bostandyǵynan aıyru jazasy kózdeledí", - dep jazylǵan habarlamada.
Sondaı-aq Qylmystyq kodekstíń 125-babyna ózgeríster engízílíp, jábírlenushíní eríktí túrde bosatsa da, ístí toqtatuǵa jol berílmeıdí. Endí májbúrlí nekege tūru maqsatynda áıeldí ūrlau Qylmystyq kodekstíń 125 jáne 125-1-baptarynyń jıyntyǵy boıynsha saralanady.