Qytaıda jasandy ıntellekt negizinde jumys isteıtin Hangxing No 1 atty robot-polıseı qyzmetke kiristi, - dep habarlaıdy Aqshamnews.kz tilshisi.
Jańa tehnologıaly "qyzmetker" qolyn kóterip, joldaǵy qozǵalysty retteıdi, jaıaý júrginshilerge ótýge ruqsat berip, kólik júrgizýshileriniń tártibin baqylaıdy. Hangxing No 1 dýlyǵa taqpaı júrgen velosıped minýshilerge, ruqsat etilmegen jerden ótken jaıaý júrginshilerge, sondaı-aq belgilenbegen jerge kólik qoıǵan júrgizýshilerge sypaıy dybystyq eskertý jasaıdy.
Baǵdarshammen birdeı jumys isteıtin robot jol qozǵalysy erejelerin buljytpaı oryndaıdy. Qazirgi ýaqytta ol qozǵalysty basqarý jáne qoǵamdyq tártipti qadaǵalaý mindetin atqaryp júr. Aldaǵy kezeńde onyń fýnksıalaryn keńeıtip, jolaýshylarǵa qyzmet kórsetýdiń basqa da túrlerin úıretý josparda bar eken.
Hanchjoý qalasynda osyǵan uqsas jol qozǵalysyn retteıtin robottar ázirlenip, bolashaqta tolyqqandy robot-polıseıler parkin qurý múmkindigi qarastyrylyp jatyr.