Aıazda bas kıim kımeý shashtyń túsýine áser etýi múmkin. Bul týraly TASS agenttigine bergen suhbatynda dáriger-dermatovenerolog, trıholog Elena Zaválova eskertti, - dep habarlaıdy aqshamnews.kz tilshisi.
"Qysta bas kıimdi bári kıýi kerek. Nólden tómen temperatýrada bas terisindegi qan tamyrlary tarylyp, shash folıkýldary qorektenbeı qalady. Sonyń saldarynan shash baıaý ósip, kóp túse bastaıdy", - dep túsindirdi Zaválova.
Eske salaıyq, buǵan deıin dáriger Noel Sherber dymqyl shashpen uıyqtaý zıan ekenin aıtty.
Sherber osy ádetten bas tartýǵa bolatyn tórt sebepti atady. Birinshiden, sý shash áldeqaıda názik ári synǵysh keledi, sondyqtan uıqy kezinde ońaı zaqymdanady. Ekinshiden, mamannyń sózinshe, bas terisi ylǵal bolǵanda túrli bakterıalar kóbeıýi yqtımal. Úshinshiden, bastyń terisinde usaq bórtpeler paıda bolyp, folıkýlıt (shash túbi qabynýy) damýy múmkin. Buǵan jastyqta jınalatyn teri maıy, makıaj, kir-qoqys jáne bakterıalar sebep bolady.