Eń aldymen, jol qozǵalysy erejesine sáıkes qysqy maýsymda kólikterdi qysqy shınalarsyz paıdalaný qatań tyıym salynǵan, dep habarlaıdy aqshamnews.kz
1 jeltoqsannan bastap qysqy shınalardy maýsymdyq mindetti qoldaný talaby kúshine endi. ÁQBtK-ge sáıkes, qysqy ýaqytta jazǵy dóńgelektermen kólik júrgizgeni úshin júrgizýshilerge 5 AEK mólsherinde aıyppul salynady, al jyl ishinde qaıtalap jasalǵan quqyq buzýshylyq úshin 20 AEK kóleminde aıyppul kózdelgen.
2025 jyly Qazaqstanda aılyq eseptik kórsetkish (AEK) 3 932 teńge deńgeıinde belgilengen.
Elorda polısıasy júrgizýshilerdiń nazaryn aýdarady: qysqy kezeńde kólikti qysqy shınalarsyz paıdalaný – bul tek quqyq buzý ǵana emes, sonymen qatar joldarda aýyr zardaptarǵa ákelýi múmkin qaýip-qater týǵyzatynyn eskertedi.
Quqyq qorǵaý organdary jyldamdyq rejimin qatań saqtaý, kólikter arasyndaǵy qashyqtyqty ulǵaıtý, kúrt manevrler men kenet tejelýden bas tartý qajettigin eske salady. Ásirese jaıaý júrginshiler ótkelderi men jol aıryqtaryna jaqyndaǵanda jyldamdyqty aldyn ala tómendetý mańyzdy.
Elorda polısıasy barlyq jol qozǵalysyna qatysýshylardy, ásirese qysqy kezeńde, barynsha muqıat bolýǵa, óz ómiri men ózgeniń ómirin qaýip-qaterge tikpeıtin sabyrly, saq júriske shaqyrady.