6 shilde – Astana kúni merekesine oraı qazaq halqynyń ańyz-tarıhynan bastaý alyp, óz keıipkerlerimen búldirshinderdiń súıikti týyndysyna aınalǵan «ER TÓSTİK» ertegisiniń premerasy ótti.
«Er Tóstik» - qazaq ertegileriniń ishindegi eń kóne ári batyrlyq úlgidegi týyndylardyń biri. Munda qıal-ǵajaıyp, batyrlyq jyry elementteri, tarıhı-mıfologıalyq keıipkerler men oqıǵalar kezdesedi.
Qyzyqty ári qaterli oqıǵalardan óte otyryp, armanyna jetetin Tóstik batyr men onyń joldastary Kóltaýysar, Jelaıaq, Shapshań, Saqqulaq, Shalquıryq atty keıipkerlermen órbıtin oqıǵa kishkentaı kórermenderimizdi erekshe áserge bóleıtini anyq. Atalǵan keıipkerler arqyly ómirde de árbir qıyndyqtardy ońtaıly sheshýge kómektesip, janynan tabylatyn dostardyń bolýyna degen armanǵa baǵyttalady.
Qýyrshaq tilinde sóılep, teatr sahnasyna shyǵatyn keıipkerler ózderine saı minez erekshelikterin taýyp, balalardy ǵajaıyptar álemine kýáger etedi. Ertegiler patshalyǵy sanalatyn qýyrshaq teatryndaǵy jańa premera búldirshinderdi tartymdy áýen, qyzyqty ári qubylmaly oqıǵa arqyly óz syryna baýrap alyp, sábılerge merekelik kóńil-kúı syılady.