Almatyda gaz jabdyqtaryn qauípsíz paıdalanudy qamtamasyz etu boıynsha júıelí jūmys jasalyp jatyr.
Tótenshe jaǵdaılar departamentímen bírlesíp órttíń, jarylys pen gazdyń shyǵu qaupíníń aldyn aluǵa baǵyttalǵan profılaktıkalyq jūmys tūraqty túrde júrgízílíp jatyr, – dep habarlaıdy aqshamnews.kz tílshísí.
Būl turaly Almaty qalasy Kommunaldyq ınfraqūrylym jáne tūrǵyn úı ınspektsıyasy basqarmasy basshysynyń orynbasary Jandos Qaıyrhanov málímdedí.
200-ge juyq nysan profılaktıkalyq baqylauda
2025 jyly Almatyda gaz jabdyqtaryn, qazandyqtardy, gaz ballondary men qysymmen jūmys ísteıtín ydystardy qauípsíz paıdalanudy kózdeıtín keń auqymdy aqparattyq aılyq ótkízíldí. Kampanıya ayasynda mamandar 197 nysandy qamtyp, tekseru júrgízdí. Olardyń qatarynda:
• 22 bazar;
• 29 sauda-oıyn-sauyq ortalyǵy;
• 25 avtonomdy qazandyqtary bar nysan (tūrǵyn keshender, ákímshílík ǵımarattar jáne jeke úıler);
• 24 gazdandyrylmaǵan jataqhana men hostel;
• 97 qoǵamdyq tamaqtanu nysany bar.
Mūndaı ís-sharalardyń negízgí maqsaty — apatty azaıtu men kommunaldyq-tūrmystyq ınfraqūrylym nysandaryndaǵy qauípsízdík deńgeıín arttyru.
Áleumettík tūrǵyda osal otbasylarǵa erekshe nazar audaryldy
Ár jylytu mausymy bastalar aldynda qalada halyqtyń áleumettík osal toptary tūratyn úılerge kómírtek totyǵy men tabıǵı gazdy anyqtaıtyn avtonomdy datchıkter, sondaı-aq órt habarlaǵyshtary ornatylady.
Būl jūmysqa audandyq TJD bólímshelerí, polıtsıya, eríktíler men basqa da qalalyq qyzmetter qatysady. Jabdyqtardy ornatumen qatar, būryn ornatylǵan qūrylǵylardyń jūmysqa jaramdylyǵy da tekseríledí.
Jūmys bıyl da jalǵasty
Bıyl da osyndaı profılaktıkalyq jūmys TJD-men bírlesíp bekítílgen jospar ayasynda jalǵasty. Jospar áleumettík ınfraqūrylym nysandarynda gaz jabdyqtaryn qauípsíz paıdalanu boıynsha aqparattyq aılyq ótkízudí qamtıdy.
Jyl basynan berí Áuezov pen Almaly audanyn aralap shyqtyq. Aldaǵy uaqytta qalanyń barlyq audanyn qamtu josparlanyp otyr. Ís-sharalarǵa tótenshe jaǵdaılar qyzmetíníń audandyq bólímshelerí, «Almaty Gaz» Abonenttík esepteu ortalyǵynyń (íshkí gaz jabdyqtaryna qyzmet kórsetu) mamandary, polıtsıya ókílderí men eríktíler qatysady.
Tūrǵyndardyń ótíníshí boıynsha tekseru
Jūmystyń taǵy bír baǵyty — azamattardyń ótíníshterí boıynsha júrgízíletín jospardan tys tekseru.
Jyldyń basynan berí 7 jospardan tys tekseru júrgízíldí. Onyń íshínde:
• gaz jabdyqtary boıynsha — 4 tekseru (onyń 3-euí álí qaraluda), 21 625 teńge kólemínde bír aıyppūl salyndy;
• lıftter boıynsha — 6 tekseru (onyń 2-euí álí qaraluda), 64 875 teńge kólemínde bír aıyppūl salyndy.
Osylaısha, ekí nysan boıynsha jalpy somasy 86 500 teńge bolatyn ákímshílík hattama rásímdeldí.
Ótken jyldardaǵy zań būzushylyqtyń statıstıkasy
Byltyr 47 jospardan tys tekseru júrgízílíp, nátıjesínde 33 hattama toltyrylyp, jalpy somasy 1 684 962 teńge aıyppūl salynǵan.
Tekserudíń qūrylymy tómendegídeı boldy:
• gaz boıynsha — 15 tekseru, aıyppūl 701 962 teńge;
• qazandyqtar boıynsha — 5 tekseru, aıyppūl 294 900 teńge;
• lıftter boıynsha — 26 tekseru, aıyppūl 629 120 teńge;
• aspaly jol boıynsha — 1 tekseru, aıyppūl 98 300 teńge.
2024 jyly 44 tekseru júrgízílíp, onyń nátıjesínde 19 subekt jalpy somasy 808 548 teńge kólemínde jauapkershílíkke tartylǵan.
Qauípsízdík – tūraqty baqylauda
Jandos Qaıyrhanovtyń aıtuynsha, gaz jabdyqtaryn, tūrmystyq gaz ballondary men kommunaldyq-tūrmystyq gazben jabdyqtau júıesín qauípsíz paıdalanu qalalyq qyzmetterdíń negízgí baǵyttarynyń bírí bolyp qala beredí.
Qauípsízdík talaptarynyń saqtaluyna baqylau árí qaraı da jalǵasady, Almatyda profılaktıkalyq jáne tekseru jūmysyn keńeıtu josparlanyp otyr.