Almatyda jastardyń qūqyqtyq sanasyn arttyruǵa, azamattyq jauapkershílík qalyptastyruǵa jáne zańǵa qūrmet mádenıetín nyǵaıtuǵa baǵyttalǵan keshendí baǵdarlama íske asyrylyp jatyr.
Jastardyń qūqyqtyq sanasyn arttyru – qoǵamnyń tūraqty damuy men ádíldíktíń qalyptasuyndaǵy mańyzdy másele. Qūqyqtyq tūrǵydan sauatty jas óz áreketíníń saldaryn túsíníp, zańǵa qaıshy ís-áreketterden aulaq bolady.
Qūqyqtyq sanasy joǵary jastar óz qūqyǵyn qorǵaı alady, ádíletsízdíkke beıjaı qaramaıdy jáne qoǵamdyq ómírge belsendí qatysady. Olar memleket zańdaryna senímmen qarap, tártíp pen jauapkershílíktí saqtauǵa tyrysady. Būl óz kezegínde qūqyq būzushylyqtyń aldyn alyp, qoǵamdaǵy tūraqtylyqty nyǵaıtady.
Sonymen qatar, jastardyń qūqyqtyq bílímín arttyru – demokratıyalyq qoǵam qūrudyń negízí. Mektepter men joǵary oqu oryndarynda qūqyqtyq tárbıe beru, túrlí túsíndíru jūmystary men jobalar ūıymdastyru jastardyń zańǵa degen kózqarasyn qalyptastyrady. Sondyqtan jastardyń qūqyqtyq sanasyn arttyru – bolashaq ūrpaqtyń sanaly, jauapty jáne belsendí azamat bolyp qalyptasuynyń basty kepílí.
Megapolıste qolǵa alynǵan joba Almaty qalasy Jastar sayasaty basqarmasynyń bastamasymen, «Zań men tártíp» ıdeologemasyn íske asyru jóníndegí 2025-2030 jyldarǵa arnalǵan ís-qımyl jospary ayasynda júzege asady. Baǵdarlama qūqyq būzushylyqtyń aldyn alu, sybaılas jemqorlyqqa qarsy mádenıettí damytu jáne jastardyń belsendí azamattyq ūstanymyn qalyptastyrudy qamtıdy.
Bıyl jyl basynan berí qalada 330-dan astam túrlí formattaǵy ís-shara ūıymdastyrylyp, olarǵa 20 myńnan astam jas qatysty. Ís-sharalar qatarynda «NarkoSTOP» aktsıyalary, profılaktıkalyq reıdter, «Zań jáne jastar: sanaly azamat mádenıetí» atty kezdesuler, dóńgelek ústelder, qūqyqtyq dáríster, semınarlar, píkírtalastar, case-chempıonattar, vıktorınalar, qūqyqtyq kvızder, fotokvester men onlaın-aktsıyalar óttí. Ís-sharalar komyunıtı ortalyqtarda, joǵary oqu oryndary men kolledjderde, studentter úıínde jáne onlaın platformalarda ūıymdastyryldy.
Joǵary oqu oryndary men kolledjderde deputattar, zańgerler jáne medıatorlar qatysqan 30-dan astam dárís, semınar jáne dóńgelek ústel ótkízíldí. Sondaı-aq, ál-Farabı atyndaǵy QazŪU bazasynda sybaılas jemqorlyqtyń aldyn aluǵa baǵyttalǵan «Unıversıtet – jemqorlyqsyz» jobasy júzege asyryldy.
«Zań men tártíp – būl tyıymdar júıesí emes, eń aldymen jastardyń kúndelíktí ómíríndegí jauapkershílík pen sanaly tańdau. Bízdíń míndet – jastarǵa zańdy túsíndíru ǵana emes, ony ómírlík qūndylyq retínde qabyldauǵa jaǵdaı jasau», – dedí Almaty qalasy Jastar sayasaty basqarmasynyń basshysy Azız Kajdenbek.
Sonymen qatar, «NarkoSTOP» jobasy ayasynda zańǵa qūrmet pen jauapkershílík qūndylyqtaryn nasıhattaıtyn vertıkaldy hıkaya íske qosyldy. Búgíngí tańda ekí serıya jaryq kóríp, áleumettík jelíler arqyly keńínen taralyp jatyr.
Jastar sayasaty basqarmasy sondaı-aq, «Antıkorruptsıyalyq eríktílík» jáne «Adal Urpaq» jobalaryn júzege asyryp otyr. Alatau audanynda 300-den astam belsendí jasty bíríktírgen front keńse jūmys ísteıdí, onyń 100-den astamy tūraqty negízde qyzmet atqarady. Joba ayasynda 20-dan astam monıtorıng, 30-dan astam kóshpelí keńes ótkízílíp, adaldyq pen ádílettílíktí beıneleıtín kólemdí mural salyndy.
Būdan bólek, Jetísu audanynda «Ádílet» jastar qozǵalysyn qūru jūmystary bastaldy. Qozǵalys qūqyqtyq mádenıettí damytuǵa, zańdylyq pen ádílet qūndylyqtaryn nyǵaıtuǵa jáne sybaılas jemqorlyqqa tózbeushílík qaǵıdattaryn qalyptastyruǵa baǵyttalǵan.
Osylaısha, «Zań men tártíp» ıdeologemasyn ílgeríletu Almatyda jastarmen bírge júrgízíletín júıelí jūmystyń mańyzdy baǵytyna aınalyp, qūqyqtyq sauatty, jauapty árí belsendí jas ūrpaq qalyptastyruǵa negíz bolyp otyr.