Konferensıa Almaty qalasy İshki saıasat basqarmasynyń tapsyrysymen, úkimettik emes uıymdardyń áleýmettik jobalardy iske asyrý boıynsha memlekettik áleýmettik tapsyrys aıasynda júzege asyrylǵan «Medıasıa ınstıtýtyn dáripteý jáne daýlardy sheshý boıynsha is-sharalar kesheni» jobasynyń qorytyndy kezeńi retinde ótti.
Jobanyń maqsaty – qoǵamdaǵy quqyqtyq mádenıetti arttyrý, medıasıa ınstıtýtyn damytý, daýlardy beıbit jolmen sheshýdiń balamaly tásilderin nasıhattaý jáne azamattar arasynda kelisimge kelý mádenıetin qalyptastyrý edi. İs-sharaǵa qala prokýratýrasy men polısıa ókilderi, medıatorlar, memlekettik organdar qyzmetkerleri, kásipkerler, jastar uıymdary, ÚEU ókilderi jáne qoǵam belsendileri qatysty.
Konferensıa barysynda medıasıanyń qoǵamdaǵy róli, quqyqtyq mádenıetti nyǵaıtý tetikteri jáne túrli sala mamandarynyń tájirıbeleri talqylandy, sondaı-aq qatysýshylar arasynda pikir almasý jáne suraq-jaýap alańy uıymdastyryldy.