Jer qoınaýyn paıdalaný úshin berilgen jer ýchaskeleri memleketke qaıtaryldy, dep habarlaıdy aqshamnews.kz Bas prokýratýraǵa silteme jasap.
Qostanaı oblysynyń prokýratýrasy jer ýchaskelerin qaıtarý boıynsha sharalar qabyldanbaǵanyn anyqtady.
Buryn keń taralǵan paıdaly qazbalardy óndirý úshin berilgen 16 ýchaske boıynsha lısenzıalardyń qoldanylý merzimi aıaqtalǵany ne jer qoınaýyn paıdalanýǵa arnalǵan kelisimsharttar merziminen buryn toqtatylǵany anyqtaldy.
Sonymen birge, "Jer qoınaýy jáne jer qoınaýyn paıdalaný týraly" Qazaqstan Respýblıkasy Kodeksiniń 21 jáne 107-baptarynyń talaptary buzylǵan. Olardyń odan ári ıelenýi úshin quqyqtyq negizderi bolmaǵanyna qaramastan, jer sharýashylyq júrgizýshi sýbektilerdiń ıeliginde bola bergen .
Oblys prokýratýrasynyń qadaǵalaý aktisi boıynsha quny 625 mln teńgeden asatyn 16 jer ýchaskesi memleket menshigine qaıtaryldy.