Nátıjesínde anyqtalǵan zańbūzushylyqtardy joyu turaly 394 nūsqama beríldí, dep habarlaıdy aqshamnews.kz tílshísí.
Qazaqstan Respublıkasy Eńbek jáne halyqty áleumettík qorǵau mınıstrlígí múgedektígí bar adamdar men júríp-tūruy qıyn azamattar úshín áleumettík jáne kólík ınfraqūrylymy nysandarynyń qoljetímdílígín qamtamasyz etu baǵytyndaǵy jūmystardy júıelí túrde júrgízíp keledí.
2026 jyldyń basynan berí Halyqty áleumettík qorǵau salasyndaǵy retteu jáne baqylau komıtetíníń áleumettík ınspektorlary kedergísíz orta qalyptastyruǵa qatysty zańnama talaptarynyń saqtaluyn tekseru maqsatynda 609 nysanǵa tekseru júrgízdí. Onyń íshínde 205-í jospardan tys, 291-í profılaktıkalyq baqylau ayasynda, al 113-í prokuraturanyń talaby boıynsha ótkízíldí.
Nátıjesínde anyqtalǵan zańbūzushylyqtardy joyu turaly 394 nūsqama beríldí. Zań talaptaryn saqtamaǵan tūlǵalarǵa qatysty ákímshílík yqpal etu sharalary qoldanylyp, jalpy somasy 47,4 mıllıon teńgeden asatyn 200 ákímshílík aıyppūl salyndy.
Tekseruler azamattar kúndelíktí baratyn túrlí nysandardy qamtydy. Atap aıtqanda, 68 memlekettík jáne kvazımemlekettík ūıym, 41 densaulyq saqtau nysany, 127 bílím beru ūıymy, 280 áleumettík qorǵau nysany, 4 mádenıet mekemesí, 5 sport nysany, 5 kólík ınfraqūrylymy nysany, 5 qoǵamdyq tamaqtanu orny, 32 sauda nysany, 4 qarjylyq qyzmet kórsetetín ūıym jáne 38 ózge de nysan zerdelendí.
Jūmys barysynda tek zańbūzushylyqtardy anyqtauǵa ǵana emes, olardy jedel joyuǵa da erekshe kóńíl bólínedí. Sonyń nátıjesínde kóptegen nysanda pandustar ornatylyp, kíreberíster beıímdelíp, tūtqalar men qoljetímdí ortaǵa qajettí basqa da qūrylǵylar qoıylyp jatyr. Būl múgedektígí bar adamdardyń qajettí qyzmetterdí qauípsíz árí qolaıly jaǵdaıda aluyna múmkíndík beredí.
Osy baǵyttaǵy jūmystar ayasynda Túrkístan oblysy boıynsha Halyqty áleumettík qorǵau salasyndaǵy retteu jáne baqylau komıtetíníń departamentí áleumettík mańyzy bar nysandardyń júríp-tūruy qıyn azamattar úshín qoljetímdílígíne jospardan tys tekseruler júrgízdí. Tekseru qorytyndysy boıynsha nysan ıeleríne anyqtalǵan zańbūzushylyqtardy joyu turaly nūsqamalar berílíp, jauapty tūlǵalarǵa zańnamaǵa sáıkes ákímshílík yqpal etu sharalary qoldanyldy.
– «Men arbamen qozǵalamyn. Sondyqtan qoǵamdyq oryndardyń qoljetímdí boluynyń qanshalyqty mańyzdy ekenín jaqsy bílemín. Eger qandaı da bír kedergílerge tap bolsam, Túrkístan oblysy boıynsha Halyqty áleumettík qorǵau salasyndaǵy retteu jáne baqylau komıtetíníń departamentíne júgínemín. Mūnda meníń ótíníshterím jedel qaralady. Tekserulerden keıín kóptegen nysanda anyqtalǵan kemshílíkter joıylyp, pandustar ornatylyp, kíreberíster yńǵaılastyrylyp, ǵımarattar múmkíndígí shekteulí jandarǵa qolaıly bola túsedí. Osyndaı jūmystardyń nátıjesínde búgínde oblysymyzda bógde adamnyń kómegínsíz óz betínshe kíríp-shyǵa alatyn nysandar sany artyp keledí. Būl bízge qajettí qyzmetterdí erkín aluǵa, qoǵamdyq ómírge belsendí aralasuǵa jáne qoǵamnyń tolyqqandy múshesí retínde ómír súruge jol ashady», – dedí Túrkístan oblysynyń tūrǵyny, Í toptaǵy múgedektígí bar Orynbasar Dastan.
Qazaqstan Respublıkasy Eńbek jáne halyqty áleumettík qorǵau mınıstrlígí qoljetímdí ortany jetíldíru jáne zańnama talaptarynyń saqtaluyn baqylau jūmystaryn aldaǵy uaqytta da jalǵastyrady. Būl barlyq azamat úshín teń múmkíndík qalyptastyruǵa baǵyttalǵan.