Qol-ayaq únemí tońuy bírqatar aurudyń belgísí boluy múmkín. Būl turaly Life.ru saıtyna kardıolog dáríger, medıtsına ǵylymdarynyń kandıdaty Irına Polyaeva aıtyp berdí, - dep habarlaıdy aqshamnews.kz tílshísí.
Mamannyń aıtuynsha, kóbínese ayaq-qoldyń tońuy qarapaıym sebepterge baılanysty bolady: aınaladaǵy aua temperaturasynyń tómendígí nemese az qozǵalu.
Sarapshy būdan bólek bírneshe yqtımal sebeptí atady:
-
Anemıya. Gemoglobın deńgeıíníń tómendeuínen tínderge jetkílíktí ottegí jetpeıdí, sonyń saldarynan ayaq-qol tońady.
-
Qan aınalymynyń būzyluy. Ateroskleroz sıyaqty aurularda tamyrlar holesterın túıínshekterdíń saldarynan tarylady, sonyń nátıjesínde qol men ayaqqa qan bayau jetedí.
-
Qalqansha bezí qyzmetíníń tómendeuí. Gıpotıreoz zat almasudy bayaulatyp, jalpy dene temperaturasyn tómendetedí. Kóbíne mūndaı jaǵdaıda adam tez sharshaıdy, terí qūrǵaıdy jáne salmaq qosady.
-
Qant dıabetí. Dıabetpen auyratyndardyń ayaq-qoly júıke júıesíníń zaqymdanuymen (neıropatıya) baılanysty tońady, ol qan aınalymynyń qalypty retteluín būzady.
Eger būl jıí qaıtalansa, kardıolog dárígerge qaraluǵa keńes beredí. Būdan basqa, jyly kıíníp, úıdí jyly ūstap jáne qan aınalymyn jaqsartuǵa arnalǵan jeńíl jattyǵular jasauǵa bolady.