Qazaqstandaǵy bólshek depozıtter kólemi 2025 jyldyń qyrkúıeginde 21,6 trln teńgege jetip, bir jylda 19,9%-ǵa ósti. Jalpy depozıtter qurylymynda halyqtyń salymdary 66,7%-dy qurady.
Eń mańyzdy ózgeristiń biri - teńge salymdarynyń úlesi alǵash ret 82%-ǵa deıin kóterilýi. Byltyr bul kórsetkish 80,4% bolsa, bes jyl buryn - 55,4%, al 10 jyl buryn nebári 19,5% bolǵan.
Ulttyq valútadaǵy salymdar bir jylda 22,4%-ǵa ósip, 17,7 trln teńgege jetti. Shetel valútasyndaǵy depozıtter de azdap ósip, 3,9 trln teńgeni qurady (+9,5%).
Qaı óńirlerde depozıt kóp?
- Almaty - 9 trln teńgeden astam (42%)
- Astana - 2,7 trln teńge (12,5%)
- Qaraǵandy oblysy - 1,2 trln teńge
- Shymkent - 897 mlrd teńge
- Qostanaı oblysy - 894,3 mlrd teńge
Eń az salym jınaǵan óńirler:
- Ulytaý oblysy - 140,5 mlrd tg
- Almaty oblysy - 202,9 mlrd tg
- Jetisý oblysy - 240,9 mlrd tg
Barlyq óńirlerde depozıt kólemi artqan. Eń úlken ósim Almatyda (+1,2 trln tg) jáne Astanada (+618,6 mlrd tg) tirkeldi.
Qaı aımaqta teńgege senim joǵary?
- Túrkistan oblysy - 97,1% (rekord)
- Almaty oblysy - 94,4%
- Soltústik Qazaqstan - 93,6%
Teńge úlesi 90%-dan asatyn aımaqtar qatarynda: Abaı, Aqmola, Jambyl, Qyzylorda, Jetisý, Qostanaı, Shyǵys Qazaqstan jáne Pavlodar oblystary bar.
Eń tómen kórsetkishter:
- Almaty - 74,2%
- Astana - 79,1%
Jalpy, barlyq óńirde ulttyq valútadaǵy salymnyń úlesi ósken. Tek Batys Qazaqstan oblysynda bul kórsetkish azdap tómendedi (87,3%-dan 86,4%-ǵa).