2026 jyly qazaqstandyqtardy bírneshe ūzaq demalys kútíp tūr. Ásírese mamyr, shílde jáne qazanda qatarynan bírneshe kún demaluǵa múmkíndík bar, – dep habarlaıdy aqshamnews.kz tílshísí.
Mamyr: úsh mereke jáne Qūrban aıt
Mamyrda demalys kúnderí kóp bolady. Bes kúndík jūmys aptasy boıynsha būl aıda 14 demalys jáne 17 jūmys kúní bar.
1 mamyr — Qazaqstan halqynyń bírlígí kúní. Būl kún jūmaǵa sáıkes kelgendíkten, qazaqstandyqtar 1, 2 jáne 3 mamyrda qatarynan úsh kún demaldy.
7 mamyr — Otan qorǵaushylar kúní. Būl — apta ortasyndaǵy bír kúndík demalys.
9 mamyr — Jeńís kúní. Mereke senbíge túskendíkten, demalys 11 mamyrǵa auystyrylady.
Bes kúndík jūmys aptasyndaǵylar 9, 10 jáne 11 mamyrda qatarynan úsh kún demalady. Al alty kúndík jūmys kestesínde 11 mamyr jūmys kúní bolyp qalady.
27 mamyr — Qūrban aıttyń alǵashqy kúní. Būl kún de demalys bolyp sanalady.
Mamyrdaǵy kásíbı jáne ózge de merekeler:
17 mamyr — Baılanys qyzmetkerlerí kúní;
20 mamyr — Metrologıya qyzmetkerlerí kúní;
21 mamyr — Mádenıet jáne óner qyzmetkerlerí kúní;
31 mamyr — Hımıya ónerkásíbí qyzmetkerlerí kúní.
Mausym
Mausymda memlekettík merekeler joq. Degenmen būl aıda bírqatar kásíbı jáne atauly kúnder bar:
1 mausym — Balalardy qorǵau kúní;
5 mausym — Ekolog kúní;
7 mausym — Monopolıyaǵa qarsy organ qyzmetkerlerí kúní;
9 mausym — Memlekettík organdardyń arnaıy maqsattaǵy bólímsheleríníń áskerı qyzmetshísí men qyzmetkerí kúní;
14 mausym — Jeńíl ónerkásíp qyzmetkerlerí kúní jáne Malshylar kúní;
21 mausym — Medıtsına qyzmetkerí kúní;
23 mausym — Polıtsıya kúní jáne Memlekettík qyzmetshíler kúní;
24 mausym — Sudya jáne sot qyzmetkerlerí kúní;
28 mausym — Baılanys jáne aqparat qyzmetkerlerí kúní.
Shílde: Astana kúní
6 shílde — Astana kúní. Mereke dúısenbíge sáıkes keledí. Sondyqtan bes kúndík jūmys aptasyndaǵy azamattar 4, 5 jáne 6 shílde kúnderí qatarynan úsh kún demalady.
Shíldedegí kásíbı merekeler:
2 shílde — Dıplomatıyalyq qyzmet kúní;
5 shílde — Teńíz jáne ózen kólígí qyzmetkerlerí kúní;
7 shílde — Qolónershíler kúní;
9 shílde — Su sharuashylyǵy qyzmetkerlerí kúní jáne Tabıǵı monopolıyalar salasy qyzmetkerlerí kúní;
10 shílde — Veterınarıyalyq qyzmetker kúní;
12 shílde — Balyq sharuashylyǵy qyzmetkerlerí kúní;
13 shílde — QR Ūlttyq qauípsízdík organdary kúní;
14 shílde — Notarıat kúní;
19 shílde — Metallurgter kúní;
26 shílde — Sauda qyzmetkerlerí kúní.
Tamyz
Eńbek mınıstrlígíníń málímetínshe, tamyz aıynyń sońynda qosymsha demalys bolmaıdy. Būǵan deıín Qazaqstanda Konstıtutsıya kúní 30 tamyzda atap ótíletín. Alaıda jańa Konstıtutsıya qabyldanǵannan keıín būl kún memlekettík merekeler kúntízbesínen alyndy.
Endí Qazaqstanda jańa Konstıtutsıya kúní retínde 15 nauryz belgílengen. Būl — qazaqstandyqtar Konstıtutsıya jobasyna dauys bergen kún.
Tamyzdaǵy kásíbı merekeler:
2 tamyz — Temírjol kólígí qyzmetkerlerí kúní;
9 tamyz — Qūrylysshylar kúní;
18 tamyz — Shekarashylar kúní;
30 tamyz — Kenshíler kúní.
Qyrkúıek
Qyrkúıekte merekelík demalys joq, aı tolyq jūmys rejımínde ótedí.
Qyrkúıektegí kásíbı merekeler:
5 qyrkúıek — Ańshylyq sharuashylyǵy qyzmetkerí kúní;
6 qyrkúıek — Mūnaı-gaz keshení qyzmetkerlerí kúní;
13 qyrkúıek — Baqylau-ólsheu aspaptary jáne avtomatıka salasy qyzmetkerleríníń kúní;
15 qyrkúıek — Sanıtarlyq-epıdemıologıyalyq qyzmet qyzmetkeríníń kúní;
27 qyrkúıek — Mashına jasaushylar kúní;
28 qyrkúıek — Atom salasy qyzmetkerleríníń kúní;
30 qyrkúıek — Ádílet organdary qyzmetkerleríníń kúní.
Qazan: Respublıka kúní
25 qazan — Respublıka kúní. Mereke jeksenbíge sáıkes kelgendíkten, 26 qazan, dúısenbí de demalys bolady.
Bes kúndík jūmys aptasyndaǵylar 24, 25 jáne 26 qazan kúnderí qatarynan úsh kún demalady. Al alty kúndík jūmys aptasynda 24 qazan jūmys kúní, 25 jáne 26 qazan demalys bolady.
Qazan aıyndaǵy kásíbı merekeler:
1 qazan — Joǵary bílím beru qyzmetkerleríníń kúní;
2 qazan — Tehnıkalyq jáne kásíptík bílím beru qyzmetkerleríníń kúní;
5 qazan — Mūǵalímder kúní;
6 qazan — Qorǵanys ónerkásíbí qyzmetkerleríníń kúní;
10 qazan — Qazaqstan kásíptík odaqtarynyń kúní;
14 qazan — Standarttau qyzmetkerleríníń kúní;
18 qazan — Orman sharuashylyǵy qyzmetkeríníń kúní;
19 qazan — Qūtqarushylar kúní;
20 qazan — Qoǵamdyq tamaqtandyru salasy qyzmetkeríníń kúní;
24 qazan — Kítaphanashylar kúní;
25 qazan — Áleumettík qorǵau júıesí qyzmetkerleríníń kúní, Avtomobıl kólígí qyzmetkerleríníń kúní jáne Avtomobıl joldary salasy qyzmetkerleríníń kúní;
29 qazan — Kúzet ūıymdary qyzmetkerleríníń kúní jáne Kásípkerler kúní.
Qarasha
Qarashada merekelík demalystar joq.
Qarashadaǵy kásíbı merekeler:
5 qarasha — Syrtqy barlau kúní;
8 qarasha — Statıstıka kúní;
10 qarasha — Tsıfrlandyru qyzmetkerleríníń kúní, Buhgalterler men audıtorlar kúní;
15 qarasha — QR Qarjy júıesí qyzmetkerleríníń kúní;
15 qarasha — Auyl sharuashylyǵy, tamaq jáne óńdeu ónerkásíbí qyzmetkerleríníń kúní;
18 qarasha — Sybaılas jemqorlyqqa qarsy qyzmet organdarynyń kúní;
21 qarasha — Būrǵylaushylar kúní.
Jeltoqsan: Táuelsízdík kúní
16 jeltoqsan — Táuelsízdík kúní. Būl kún sársenbíge sáıkes keledí, sondyqtan qazaqstandyqtarǵa apta ortasynda bír kún demalys beríledí.
Jeltoqsan aıyndaǵy kásíbı merekeler:
5 jeltoqsan — Advokatura kúní;
6 jeltoqsan — Prokuratura kúní;
13 jeltoqsan — Qylmystyq-atqaru júıesí qyzmetkerleríníń kúní;
20 jeltoqsan — Memlekettík feldegerlík qyzmet kúní;
22 jeltoqsan — Energetıkter kúní jáne Arhıvshíler kúní.