Otan qorǵaushylar kúní qarsańynda Qazaqstan Respublıkasy Ūlttyq statıstıka byurosy eldegí er azamattardyń naqty sanyn jarıyalady, – dep habarlaıdy aqshamnews.kz tílshísí.
Vedomstvonyń málímetínshe, 2026 jylǵy 1 sáuírdegí jaǵdaı boıynsha Qazaqstan halqynyń jalpy sany 20 547 909 adamdy qūraǵan.
Al er azamattardyń naqty sany – 10 044 673 adam.
"Erteń dál osynsha er azamat – ákeler, aǵalar men bauyrlar Otan qorǵaushylar kúníne arnalǵan jyly lebízder men shynaıy qūttyqtaular qabyldaıdy", – dep habarlady Ūlttyq statıstıka byurosy 6 mamyr kúní.
Erlerdíń jas erekshelígí boıynsha úlesí:
0–15 jas – 30,2%
16–60 jas – 56,5%
61 jas jáne odan joǵary – 13,3%
Er azamattar eń kóp tūratyn óńírler:
Almaty qalasy – 1,1 mln
Túrkístan oblysy – 1,1 mln
Almaty oblysy – 806,5 myń
Astana qalasy – 785,4 myń
Statıstıkaǵa sáıkes, Qazaqstandaǵy er azamattardyń ortasha jasy 31,1 jas, al kútíletín ómír súru ūzaqtyǵy 72,19 jasty qūraıdy.
2025 jylǵy málímet boıynsha, jūmyspen qamtylǵan halyqtyń 51,6%-y nemese 4,8 mıllıony – er azamattar.
Onyń íshínde:
· jaldamaly jūmysshylar – 50,6%
· ózín-ózí jūmyspen qamtyǵandar – 55,1%
Er azamattar eń kóp eńbek etetín salalar:
· ónerkásíp – 16,5%
· kóterme sauda – 14%
· auyl sharuashylyǵy – 12,4%
· kólík jáne qoımalau – 11,1%
Sondaı-aq jeke kásípkerler arasyndaǵy er azamattardyń úlesí 54,7%-dy qūraıdy.
Eńbekke belsendí er azamattardyń basym bólígí 35–44 jas aralyǵynda. Būl sanatta 1,4 mln adam bar.