Almatynyń tórt audanynda mereke kúnderí azyq-túlík jármeńkesí jūmysyn jalǵastyrady, – dep habarlaıdy aqshamnews.kz tílshísí.
Almatyda mereke kúnderí «demalys kúngí» jármeńke jūmysyn jalǵastyrady. Būl turaly «Almaty» ÁKK» AQ mamandary aıtty.
Jármeńke qala tūrǵyndaryn azyq-túlík ónímderímen qamtamasyz etu, azyq-túlík qauípsízdígín nyǵaıtu jáne áleumettík mańyzy bar tauarlardyń baǵasyn tūraqtandyru maqsatynda ótkízíledí.
Sauda alańdarynda Almaty qalasynyń, Almaty oblysy audandarynyń jáne Shyǵys Qazaqstan oblysynyń óndírushíleríníń ónímderí ūsynylǵan. Jalpy sany 305 qatysushynyń qatarynda fermerlík sharuashylyqtar men jergílíktí kásípkerler bar.
Tūrǵyndarǵa 1000-nan astam azyq-túlík túrí ūsynylady. Olardyń qatarynda et, kókónís pen jemís-jıdek, jūmyrtqa, sút jáne shūjyq ónímderí, bal jáne ózge de kúndelíktí tūtynatyn tauarlar bar.
2026 jyldyń basynan berí jármeńkelerde shamamen 8 myń tonna óním, onyń íshínde áleumettík mańyzy bar azyq-túlík tauarlary satyldy.
Qazírgí uaqytta «Almaty» ÁKK» AQ Bostandyq jáne Áuezov audandaryndaǵy jármeńkelerdí kezeń-kezeńímen jańǵyrtu jūmystaryn júrgízíp jatyr. Joba ayasynda ınfraqūrylymdy jańartu, jabyq jáne ashyq pavılondar, avtotūraqtar, sanıtarlyq toraptar, ayaldama keshenderí men kóríktendírílgen qoǵamdyq keńístíkter salu qarastyrylǵan.
Jármeńke ár senbí jáne jeksenbí saǵat 09:00-den 18:00-ge deıín myna mekenjaılarda ótedí:
— Bostandyq audany — «Qazaqfılm» shaǵynaudany;
— Áuezov audany — Rysqūlbekov kóshesí, 33/2;
— Medeu audany — Meńdíqūlov pen Bektūrov kósheleríníń qıylysy;
— Almaly audany — Masanchı kóshesí, Áıteke bı men Gogol kósheleríníń aralyǵy.
Jańǵyrtu jūmystary ayaqtalǵannan keıín jármeńkelerdí basqaru jáne baǵanyń tūraqtylyǵyn baqylau míndetí «Almaty» ÁKK» AQ-qa júkteledí.