Búgínde Qazaqstanda 76 lıtsenzıyalanǵan maıner jáne 5 akkredıttelgen maınıng puly jūmys ísteıdí, dep habarlaıdy aqshamnews.kz tílshísí.
JTsDM málímetínshe, retteletín krıptonaryqtaǵy sauda-sattyq kólemí 2023 jylǵy $320 mln-nan 2025 jyly $10,58 mlrd-qa deıín ósken.
Búgínde Qazaqstanda 76 lıtsenzıyalanǵan maıner jáne 5 akkredıttelgen maınıng puly jūmys ísteıdí. Tízílímge shamamen 470 myń bírlík jabdyq engízíldí. Qūrylǵan retteu júıesí salanyń óndírístík kórsetkíshterín baqylauǵa, onyń ashyqtyǵyn jáne byudjetke salyqtardyń túsuín qamtamasyz etuge múmkíndík beredí. Būl turaly Úkímet otyrysynda jasandy ıntellekt jáne tsıfrlyq damu vıtse-mınıstrí Ǵızzat Baıtūrsynov bayandady.
Onyń aıtuynsha, maınıng puldary arqyly óndírílgen tsıfrlyq aktıvter turaly tūraqty eseptílík alynyp, salanyń nátıjelerí naqty kórínedí. Sonymen qatar «Astana» halyqaralyq qarjy ortalyǵy arqyly krıptobırjalardyń rettelgen júıesí qalyptasty.
Saladan túsetín salyq túsímderí oń dınamıka kórsetude. 2023 jyly byudjetke 9 mlrd teńge, 2024 jyly – 9,9 mlrd teńge, 2025 jyly – 22,4 mlrd teńge tústí.
«Retteletín krıptobırjalar segmentínde de osyndaı dınamıka baıqalady. 2022 jyly “Astana” halyqaralyq qarjy ortalyǵy jáne qarjylyq retteushílermen bírlesíp krıptobırjalar qyzmetín retteu jóníndegí pılot íske qosyldy. Onyń negízínde krıptobırjalardy lıtsenzıyalau men jūmys ístetuge arnalǵan tolyqqandy rettelgen orta qalyptasty. Sauda aınalymy 2023 jylǵy $320 mln-nan 2025 jyly $10,58 mlrd-qa deıín óstí. Paıdalanushylar sany 53 myńnan 215 myńǵa deıín artty», — dedí Ǵızzat Baıtūrsynov.
Kórsetkíshterdíń ósuí túsíníktí árí ashyq qaǵıdalar qalyptastyrylǵan jaǵdaıda retteletín naryqtyń qarqyndy damyp, auqymyn jyldam keńeıte alatynyn kórsetedí. Kelesí kezeńde tsıfrlyq aktıvter salasyndaǵy zańnamany odan árí jetíldíru jáne retteletín tsıfrlyq qarjy ınfraqūrylymyn damytu kózdeledí.